كوروناۆيرۋسپەن كۇرەسكە بولىنگەن قاراجات قايدا جۇمسالادى - ءبىرتانوۆ جاۋاپ بەردى

نۇر-سۇلتان. قازاقپارات – ق ر دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋسپەن كۇرەسكە بولىنگەن قاراجاتتىڭ قايدا جۇمسالاتىنىن ايتتى، دەپ حابارلايدى قازاقپارات ءتىلشىسى.

«بۇل دەنساۋلىق ساقتاۋ مينيسترلىگىنىڭ ەمەس، ۇكىمەتتىڭ قىزمەتتىك پايدالانۋ رەجىمىندەگى قاۋلىسى. شىنىمەن دە ايتىپ بەرەر ەدىم، ءبىراق وعان مەنىڭ قۇقىعىم جوق»، - دەدى مينيستر ۇكىمەت وتىرىسى الدىندا ب ا ق وكىلدەرىنىڭ ساۋالىنا وراي.

ونىڭ اتاپ وتۋىنشە، ەلىمىز بويىنشا اۋقىمدى دياگنوستيكا جۇرگىزىلەتىن بولادى.

«تولىقتاي العاندا، قاراجات بەتپەردە، كوستيۋم، كوزاينەك، زالالسىزداندىراتىن قۇرالدار، زەرتحانا، تەپلوۆيزورلار، دياگنوستيكالاۋعا ارنالعان زەرتحانالىق جابدىقتار سىندى قورعانىس زاتتارىن ساتىپ الۋعا جۇمسالاتىندىعىن ايتا الامىن. سەبەبى اۋقىمدى دياگنوستيكا جۇرگىزىلەدى. دارىگەرلەردەن بولەك، شەكاراشىلارعا ارنالعان دا بار. ال بۇل قىزمەتتىك اقپارات»، - دەدى مينيستر.