نورۆەگيا كوروناۆيرۋسپەن كۇرەسكە دايىن

None
None
وسلو. قازاقپارات - نورۆەگيانىڭ دەنساۋلىق ساقتاۋ ورگاندارى كوروناۆيرۋسپەن كۇرەسكە تاس-ءتۇيىن دايىن وتىر. ولار بۇل ىندەت ەرتە مە، كەش پە، نورۆەگياعا دا كەلۋى مۇمكىن ەكەندىگىن ايتادى.

مۇنداي مالىمدەمە كورولدىكتىڭ قوعامدىق دەنساۋلىق ساقتاۋ ينستيتۋتىندا جاسالدى، دەپ حابارلايدى قازاقپاراتتىڭ مەنشىكتى ءتىلشىسى.

ينستيتۋت پروفەسسورى پرەبەن وۆيتسلاندتىڭ ايتۋىنشا، الەم جاڭا ۆيرۋسپەن قالاي كۇرەسۋ كەرەكتىگىن بىلمەيدى. ال سوزىلمالى اۋرۋلارى بار ادامداردىڭ ىندەتتەن مەرت بولۋ قاۋپى دەنى ساۋ ادامدارعا قاراعاندا وتە جوعارى. سوعان قاراماستان نورۆەگيالىقتار ىندەتتىڭ قاۋىپ تۋدىرا قويمايتىنىنا سەنىمدى. قازىرگى ۋاقىتتا قىتايدان كەلگەن نورۆەگتەر مەن نورۆەگياداعى قىتايلىق تۋريستەر، جالپى 75 ادام ۆيرۋستىڭ بار-جوعىن انىقتايتىن تەستتەن ءوتىپ، ەشقايسىسىنان ىندەت بەلگىلەرى تابىلمادى.

سونىمەن بىرگە، نورۆەگيا س ءى م قىتايلىق حۋبەي پروۆينتسياسىنا جانە جالپى قىتايعا بارۋدان باس تارتا تۇرعان دۇرىس دەپ ەسەپتەيدى.

نورۆەگيا بيلىگى ازاماتتاردىڭ گونكونگ پەن ماكاو، قىتايلىق تايبەيدىڭ ارنايى اكىمشىلىك اۋداندارىنا بارۋىنا قارسى ەمەس.


سوڭعى جاڭالىقتار