اقان ساتايەۆتىڭ «بوكسشى» فيلمىندە باستى ءرولدى كىم وينايدى

None
None
نۇر- سۇلتان. قازاقپارات - اقان ساتايەۆتىڭ «بوكسشى» فيلمىندە باستى ءرولدى سماديار سابىروۆ ەسىمدى جاس اكتەر سومدايتىن بولدى، دەپ حابارلايدى قازاقپارات ءتىلشىسى.

«قۇرمەتتى دوستار، سىزدەرگە ارنالعان ماڭىزدى حابارلاندىرۋىمىز بار! اقان ساتايەۆتىڭ «بوكسشى» فيلمىندە باستى ءرولدى سومدايتىن اكتەردىڭ بەكىتىلگەنىن جاريالايمىز. ول - سماديار سابىروۆ. سماديار ءۇشىن بۇل كينو دەبيۋت بولماق! سومدالاتىن وبراز كۇردەلى جانە جاۋاپتى، اكتەردەن قارقىندى فيزيكالىق دايىندىقتى تالاپ ەتەدى» ، - دەپ جازدى رەجيسسەر Instagram پاراقشاسىندا. ⠀

اقان ساتايەۆتىڭ حابارلاۋىنشا، سمادياردىڭ بوكستا ۇلكەن تاجىريبەسى بار.

«سوعان قاراماستان قازىر كۇن سايىن تاجىريبەلى باپكەرمەن بوكستان جاتتىعۋ ۇستىندە جانە اكتەرلىك شەبەرلىكتىڭ قىر- سىرىن تانىپ، ماڭىزدى رولگە دايىندالۋدا» ، - دەپ جازادى رەجيسسەر.

ەسكە سالا كەتسەك، اقان ساتايەۆتىڭ بوكسشى سەرىك ساپيەۆ تۋرالى فيلم ءتۇسىرىپ جاتقانى بىلتىر حابارلانعان بولاتىن.

«بەلگىلى ءبىر كينونى تۇسىرسەك، ول ارەكەتىمىز قانداي دا ءبىر يدول قالىپتاستىرۋ دەگەندى بىلدىرمەسە كەرەك. بۇل - شىنىندا دا، چەمپيوننىڭ، باتىردىڭ تاريحى. سەرىك 2012 -جىلى جازعى وليمپيادادا جەتىنشى التىن مەدالدى العان كەزدە بۇل جەتىستىك ۇلتتىق بىرلىككە وراسان زور ۇلەس قوستى. سول كەزدە قالاي قۋانعانىم ءالى كۇنگە دەيىن ەسىمدە. يدەولوگيا دەگەن وسى دەگەن ويدامىن» ، - دەدى كەيىن اقان ساتايەۆ و ك ق- دا وتكەن باسپا ءسوز ءماسليحاتىنان كەيىن تىلشىلەردىڭ سۇراعىنا جاۋاپ بەرە وتىرىپ.

سوڭعى جاڭالىقتار