امەريكانىڭ فانتاست جازۋشىلارى

None
None
نۇر-سۇلتان. قازاقپارات - تەودور ستاردجوننىڭ شىن اتى - ەدۆارد حاميلتون ۋولدو. ونىڭ تۇڭعىش رومانى «ادامنان دا كوپ» 1954 -جىلى جارىق كوردى.

كەيىنىرەك «مۇلگىگەن اسىل تاستار» دەگەن نوۆەللالار سەرياسىنىڭ نەگىزىندە 1957 -جىلى «سينتەتيكالىق ادام» رومانىن جازدى. وقىرماندارعا ولاردان دا باسقا «ۇيگە اپارار جول» نوۆەللالار جيناعى كەڭىنەن تانىس.


ال ايزەك ازيموۆ جونىندە وقۋشىلار مولىراق بىلەتىن بولسا كەرەك. ول - بيوحيميا عىلىمدارىنىڭ پروفەسسورى، جۇرت جاقسى كورەتىن بىرنەشە وقۋلىق پەن عىلىمي- كوپشىلىك كىتاپتاردىڭ اۆتورى. پول فرەنچ دەگەن لاقاپ اتپەن بالالار تۋرالى دا قالام تارتىپ قويادى. ونىڭ وقۋشى قاۋىمعا كوبىرەك ۇناعان شىعارماسى - «مەن، روبوت» دەگەن نوۆەللالار سەرياسى. سونىمەن قاتار «بولات ۇڭگىلەر» ، «جالاڭاش كۇن» ، «كەڭىستىك اعىسى» ، «اسپانداعى ۇساق تاس» ، «شاڭ تارىزدەس جۇلدىزدار» ، «جاڭعىرۋ» روماندارىن دا جۇرت ءسۇيسىنىپ وقيدى.


تاعى ءبىر امەريكا فانتاسى - روبەرت شەكلي. ول اسىرەسە ءازىل- سىقاق جانرىن كوبىرەك پايدالانادى. «ماڭگىلىك كورپوراتسياسى» ، «شەكسىزدىك ارقىلى ساياحات» روماندارى - ءساتتى شىققان دۇنيەلەر. اۋدارىلعان ونداعان اڭگىمەلەرىنىڭ ءوزى جۇرتشىلىقتى وزىنە باۋراپ، تارتىپ الىپ ۇلگەردى.


امەريكا فانتاستارىنىڭ العاشقى بەستىگىنە كىرەتىندەرىنىڭ ءبىرى - كليففورد سايماك. ۆيسكونسين ۋنيۆەرسيتەتىندە جۋرناليستىك ماماندىق العان. سايمان فانتاستيكا جانرىندا كوپتەگەن دۇنيەلەر جازدى. «كۇندى قۇرساۋلايتىن ساقينا» ، «ۋاقىت - قاراپايىم عانا نارسە» ، «بەكەتشى ستانسى» روماندارى مەن «كەڭ شالقار اۋلا» پوۆەسى تاڭداۋلى فانتاستيكالىق شىعارمالاردىڭ ساناتىنا ەنەدى.


ءبىزدىڭ باسپا سوزدە امەريكا فانتاستارىنىڭ ىشىنەن ەڭ كەڭ تانىمال بولعانى - رەي برەدبەري. ول، ءسوز جوق، دۇنيەجۇزىندەگى ماڭدايالدى فانتاستاردىڭ ءبىرى. ونىڭ ون بەستەن استام كىتابى، جۇزدەن اسا اڭگىمەسى بار.


تەك فانتاستيكا سالاسىندا جازعاندارى - «مارس حرونيكالارى» اتتى نوۆەللالار تسيكلى، «فارەنگەيت بويىنشا 451» رومانى، «سۇيكىمسىز قوناق» پوۆەسى، «باقىت ماشينەسى» جيناعى. ابدۋل- حاميد مارحابايەۆ

Massaget.kz

سوڭعى جاڭالىقتار