جاڭبىر ەلەكتر ەنەرگياسى كوزىنە اينالادى

نۇر-سۇلتان. قازاقپارات - گونكونگ ۋنيۆەرسيتەتىنىڭ عالىمدارى سۋدان ەنەرگيا الۋعا مۇمكىندىك بەرەتىن ەلەكتر گەنەراتورىن ويلاپ تاپتى. ونەرتاپقىشتار وسى ماقساتتا جاڭبىر سۋىن پايدالانۋدى كوزدەپ وتىر.

گەنەراتور 140 ۆولتقا دەيىنگى كەرنەۋدى وڭدەي الادى جانە ونىڭ قۋاتى 100 جارىق ديودتى شامدى جاعۋعا جەتكىلىكتى. ءبىر قىزىعى، بۇل 15 سانتيمەتر بيىكتىكتەن 0.0001 ليتر ءبىر تامشى قۇلاعان كەزدە جۇزەگە اساتىن ۇدەرىس. عالىمداردىڭ ايتۋىنشا، جاڭا گەنەراتوردىڭ الدىڭعى ترانزيستورلىق قۇرىلىمسىز انالوگتارى بۇدان مىڭ ەسە از ەنەرگياعا قول جەتكىزە العان. قۇرىلعى ەكى ەلەكترودتان تۇرادى. بىرەۋى اليۋمينيدەن، ەكىنشىسى پوليتەترافتورەتيلەنمەن (PTFE) قاپتالعان يندي مەن قالايىدان جاسالعان. تامشى قۇرىلعىعا تيگەندە، ەكى ەلەكترودتى بىرىكتىرىپ، تۇيىق تىزبەك جاسايدى. زارياد ءبىر ەلەكترودتان ەكىنشىسىنە وتەدى. عالىمدار بۇل قۇرىلعىنى توقتاۋسىز جاڭبىر جاۋاتىن جەرلەردە دە قولدانۋعا بولادى دەيدى. بۇل، اسىرەسە، نوسەر باسىم بولاتىن ەلدەرگە ءتيىمدى. مۇنداي كەزدە كەرنەۋ كۇشەيەدى جانە قانىقتىرۋ دەڭگەيىنىڭ شەگىنە جەتەدى. بولاشاقتا عالىمدار گەنەراتوردى سۋمەن بايلانىستا بولاتىن ءتۇرلى قۇرالدارعا ورناتۋدى جوسپارلاپ وتىر.

Massaget.kz