الماتى تاۋلارىندا قار كوشكىنى بولدى

None
None
الماتى. قازاقپارات - الماتى تاۋلارىندا قار كوشتى، دەپ حابارلايدى قازاقپارات ءتىلشىسى.

بۇعان دەيىن الماتى قالالىق توتەنشە جاعدايلار دەپارتامەنتى قاردىڭ مول تۇسۋىنە بايلانىستى تاۋ بوكتەرىندە قار كوشكىنى بولاتىنىن حابارلاعان.

تابيعي قۇبىلىستى باقىلاعان «قازسەلدەنقورعاۋ» م م قىزمەتكەرلەرى كوشكەن قار ۇلكەن الماتى كولى ماڭىنداعى جولعا كەلىپ توقتاعانىن ايتتى.

«17- اقپاندا ۇلكەن الماتى كولىنە اپاراتىن (جوسالى كولى) جول بويىنداعى قۇمبەل باقىلاۋ بەكەتىنىڭ ماڭىندا قار كوشكىنى بولدى. كوشكەن قاردىڭ قالىندىعى - 70 تەكشە مەتر. جول ۋچاسكەلەرىن تازارتۋ ءۇشىن «قازسەلدەنقورعاۋ» مەملەكەتتىك مەكەمەسىنىڭ 2 تەحنيكاسى مەن 6 جۇمىسشى جۇمىلدىرىلدى. كولىك جۇرەتىن جول اشىق. زارداپ شەككەندەر جوق» ، - دەپ حابارلايدى ت ج د باسپا ءسوز قىزمەتى.


سوڭعى جاڭالىقتار