قازاقستاندىقتاردىڭ بەيبىت جيىن وتكىزۋگە كوزقاراسى قانداي

None
None
نۇر- سۇلتان. قازاقپارات - «DEMOSCOPE» قوعامدىق پىكىر ەكسپرەسس- مونيتورينگىنىڭ بيۋروسى ازاماتتار اراسىندا «قازاقستاندا بەيبىت جيىن وتكىزۋ قۇقىعى» تاقىرىبىندا جۇرگىزىلگەن ساۋالنامانىڭ قورىتىندىسىن جاريالادى، دەپ حابارلايدى قازاقپارات ءتىلشىسى.

«DEMOSCOPE» قوعامدىق پىكىر ەكسپرەسس- مونيتورينگىنىڭ بيۋروسى (جوبانى قازاقستانداعى كونراد ادەناۋەر اتىنداعى قور وكىلدىگىنىڭ قولداۋىمەن حالىقارالىق MediaNet جۋرناليستىك ورتالىعى جۇزەگە اسىرادى) 2019 -جىلدىڭ 26-29 - قىركۇيەگى ارالىعىندا 14 وبلىس پەن رەسپۋبليكالىق ماڭىزى بار ءۇش قالادا 1100 ادامعا ساۋال قويعان.

«ساۋالناما ستاتسيونارلىق نومىرلەرگە تەلەفون قوڭىراۋى ارقىلى جۇرگىزىلدى. وعان جاسى 18 دەن اسقان ەرلەر (47 پايىز) مەن ايەلدەر (53 پايىز) قاتىستى. تاڭداۋ نەگىزى رەتىندە قازاقستان بويىنشا ستاتسيونارلىق تەلەفون نومىرلەرىنىڭ ابونەنتىك بازاسى پايدالانىلدى. ناتيجەسىندە رەسپوندەنتتەردىڭ 43 پايىزى ميتينگىلەرگە وڭ، ال 16 پايىزى تەرىس قارايتىنى، ال 41 پايىزى بەيتاراپ قارايتىنى نەمەسە جاۋاپ بەرۋگە قينالاتىنى انىقتالدى. سۇرالعانداردىڭ 46 پايىزى بەيبىت جيىنداردىڭ قانداي دا ءبىر وقيعاعا نەمەسە مەملەكەتتىك شەشىمدەردى قابىلداۋدا ىقپالى بارىن ايتىپ، جاۋاپ بەردى» ، - دەلىنگەن DEMOSCOPE زەرتتەۋىندە.

ال ساۋالناماعا قاتىسقانداردىڭ 40 پايىزى ميتينگىلەردىڭ جاعدايدى تۇراقسىز ەتەتىنىن ايتقان. قالعانى (14 پايىزى) جاۋاپ بەرمەگەن.

«سۇرالعانداردىڭ 73 پايىزى ميتينگ وتكىزۋ - بيلىكپەن كەلىسىلۋى كەرەك دەپ ەسەپتەيدى. ال 17 پايىزى بۇل پىكىرمەن كەلىسپەيدى. قازاقستاندىقتاردىڭ دامىعان دەموكراتيا جاعدايىندا ءومىر سۇرمەگەنىن ەسەپكە العاندا، سونىمەن قاتار ازاماتتار حالىقارالىق قۇقىق سالاسىنداعى ستاندارتتارمەن تانىس بولماعاندىقتان مۇنداي كورسەتكىشتەر قيسىنعا كەلەدى. الايدا پروتەستەردى ازاماتتاردىڭ جىگەر تانىتۋى رەتىندە قابىلداۋ ءۇردىسى ەۆوليۋتسيالانىپ كەلەدى. ال ازاماتتار ونىڭ تيىمدىلىگىنە كوزىن جەتكىزىپ كەلە جاتىر» ، - دەلىنگەن DEMOSCOPE زەرتتەۋىندە.

اتالعان تاڭداۋ بويىنشا ستاتيستيكالىق اۋىتقۋ 95 پايىزدىق ىقتيمالدىقتىڭ - 3 پايىزىنان اسپايدى.

سوڭعى جاڭالىقتار