اسحات ايماعامبەتوۆ ج و و وقىتۋشىلارىنىڭ ايلىعىن ارتتىرۋ جولدارىن اتادى

None
None
نۇر- سۇلتان. قازاقپارات - ءبىلىم جانە عىلىم ءمينيسترى اسحات ايماعامبەتوۆ جوعارى وقۋ ورىندارىنىڭ وقىتۋشىلارىنىڭ ايلىعىن ارتتىرۋ جولدارىن اتادى، دەپ حابارلايدى قازاقپارات ءتىلشىسى.

ءبىلىم جانە عىلىم مينيسترلىگىنىڭ اپپاراتتىق وتىرىسىندا بايانداما جاساعان ۆيتسە- مينيستر ميراس داۋلەنوۆ قازىرگى ۋاقىتتا 30 ج و و- دا وقىتۋشىلاردىڭ ايلىعى 30 پايىزعا كوتەرىلگەنىن جەتكىزدى. دەسە دە ولاردىڭ ورتاشا جالاقىسى تومەن كۇيدە قالىپ وتىر.

«مەكتەپ مۇعالىمدەرىنىڭ ايلىعىنان ج و و وقىتۋشىلاردىڭ جالاقىسى از. وسىعان بايلانىستى ج و و وقىتۋشىلارى مەكتەپكە كەتىپ جاتىر. مۇنداي تەندەنسيانىڭ كۇشەيىپ بارا جاتقانىن دا بايقاۋعا بولادى. سول سەبەپتى مەملەكەتتىك ج و و- لاردا گرانتتاردىڭ سانىن ارتتىرۋ كوزدەلۋدە»، - دەدى ول.

بۇل ماسەلەگە قاتىستى ءبىلىم جانە عىلىم ءمينيسترى اسحات ايماعامبەتوۆ قازاقستانداعى ج و و وقىتۋشىلارىنىڭ جالاقىسى وتە تومەن بولىپ تۇرعانىن جەتكىزدى.

«مەملەكەتتىك ءبىلىم بەرۋ جانە عىلىمدى دامىتۋ باعدارلاماسى شەڭبەرىندە بيىل گرانتتاردىڭ قۇنى بىرنەشە ەسە وسەدى. بۇل قانداي ناتيجە بەرەدى؟ بىرىنشىدەن، ءبىزدىڭ وقىتۋشىلاردىڭ جالاقىسىن ارتتىرۋعا مۇمكىندىك بەرەدى. عىلىم سالاسىندا دا قارجىلاندىرۋ بىرنەشە ەسە ءوسىپ جاتىر. سوندىقتان وسى وزگەرىستىڭ ءبارى ءوزىنىڭ سەپتىگىن تيگىزۋى ءتيىس. جالاقى ماسەلەسى بويىنشا ءتيىستى جۇمىس جۇرگىزۋ كەرەك. بىرىنشىدەن ءبىزدىڭ ۋنيۆەرسيتەتتەر (مەملەكەتتىك ۋنيۆەرسيتەتتەر بويىنشا) ءتيىمسىز شىعىنداردى قايتا قاراۋى ءتيىس. ءارتۇرلى ءتيىمسىز فورۋمداردى، شارالاردى قىسقارتۋ كەرەك. پرەزيدەنت قاڭتار ايىندا ۇكىمەتتىڭ كەڭەيتىلگەن وتىرىسىندا وسىنداي تاپسىرما بەرگەن بولاتىن. ول تەك مينيسترلىكتىڭ اپپاراتىنا قاتىستى ەمەس، ول كۆازيمەملەكەتتىك مەكەمەلەرگە دە قاتىستى ماسەلە»، - دەدى مينيستر.

اۆتور ايان بەكەن ۇلى


سوڭعى جاڭالىقتار