+7 (701) 759 90 19
-5 °С : نۇر-سۇلتان
6 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

اقتاۋعا قوقيقازدىڭ العاشقى توبى ۇشىپ كەلدى

17 اقپان 16:05
:ءبولىسۋ
اقتاۋعا قوقيقازدىڭ العاشقى توبى ۇشىپ كەلدى

نۇر- سۇلتان. قازاقپارات - اقپان ايىنىڭ العاشقى ونكۇندىگىندە كاسپي تەڭىزىنىڭ جاعالاۋىنا قوقيقازدار ۇشىپ كەلەدى. بيىل دا مىڭداعان قوقيقاز جىلى ايماقتاردان كاسپيگە ورالدى، دەپ حابارلايدى قازاقپارات ءتىلشىسى.

ق ر ەكولوگيا، گەولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتىنىڭ باسپا ءسوز حاتشىسى ساكەن دىلداحمەتتىڭ حابارلاۋىنشا، قۇستىڭ بۇل ءتۇرى مىڭداعان شاقىرىمدارداعى الىس ايماقتاردا قىستايدى. قوقيقاز قازاقستاننىڭ بىرنەشە وڭىرىندە عانا، اتاپ ايتقاندا كاسپي تەڭىزىنىڭ سولتۇستىك- شىعىسىندا، شالقارتەڭىز كولىنىڭ ماڭىندا، تەڭىز كولىندە ۇيالايتىن كورىنەدى.

«ءبىزدىڭ ەلدىڭ اۋماعىندا شامامەن 50-100 مىڭعا تارتا قوقيقاز جازدى وتكىزەدى. كوبىنەسە تەڭىز كولىنىڭ ماڭىندا شوعىرلانعان. ال قالعان بولىگى كاسپي تەڭىزى مەن شالقارتەڭىزدى مەكەندەيدى. كاسپي تەڭىزىنە جۇرگىزىلگەن تالداۋ جۇمىستارى لەنكوران جاعالاۋىندا - 10 مىڭ، تۇرىكمەن جاعالاۋىندا - تاعى 10 مىڭ قوقيقازدىڭ قىستايتىنىن كورسەتكەن» ، - دەپ جازادى كوميتەت وكىلى Facebook پاراقشاسىندا.

قۇستىڭ بۇل ءتۇرى جەر شارىنىڭ وڭتۇستىك بولىگىندە قىستاپ، جازعا تامان ۇيالايتىن اۋماققا ۇشىپ كەلەدى. قوقيقازدى قازاقستاننىڭ بۇكىل ايماقتارىنان كەزدەستىرۋگە بولادى.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات