ونەر جولىندا دوستىق دەگەن بولمايدى ەكەن: «مۋزارتتىڭ» شىندىعىن ىنىلەرى اشتى

نۇر-سۇلتان. قازاقپارات - «مۋزارت» توبىنىڭ جولىن قۋاتىن وسىلار دەپ ءبىر كەزدەرى سەنىم ارتىلعان، الايدا ءۇمىت اقتالمادى.

ءان الەمىنىڭ پاتشالارى سانالاتىن «مۋزارتتىڭ» ءىزباسارلارى سانالاتىن «مۋزارتlife» توبى جان جاققا تاراپ تىندى. بارىنە سەبەپ ىشكى ارازدىق، دەپ حابارلايدى «ەل اۋزىندا» باعدارلاماسى.

مۋزارت جاس ءانشى، «مۋزارتlife» توبىنىڭ ءسوليسى سۇلتان احمەت:

«الماتىدا اعالارىمىزدىڭ قاسىندا ساحنادا جۇرگەنىمىزگە ءۇش جىل ۋاقىت بولدى. وسى ۋاقىت ارالىعىندا بايقاعانىم ونەر جولىندا دوستىق دەگەن بولمايدى ەكەن. سەبەبى، دوسىڭ مەنمىن دەپ ويناپ كۇلىپ جۇرگەن دوستار توپقا كەلگەن كەزدە ءبىر- بىرىمەن قاس بولىپ كەتىپ جاتقاندار بار. ءبىر- ءبىرىن جەك كورىپ، ارالاسپاي كەتىپ جاتقاندار بار. ءتىپتى، توبەلەسىپ جاتقان جەرىندە ءوزىم اجىراتقان كەزدەر بولدى»، - دەگەن توپ مۇشەسى جىگىتتەرگە ءوز رەنىشى بارىن جاسىرمادى.

«بىلايشا كەلگەندە باۋىرلارىم، مەنىڭ دوستارىم قانشا جىل بىرگە تۇردىق. ءبىراق سوڭى وسىمەن اياقتالىپ جاتىر. ويتكەنى، توپتىڭ ىشىندە بىلىقباي وتە كوپ قوي. ونى ءبىز سىرتقا شىعارمايمىز. ءوزىمىز ىشىمىزدەگى نارسە. سونىڭ بارلىعى اسەر ەتتى. مەن جىگىتتەرگە وكپەلىمىن»، - دەپ ايتىپ قالدى سۇلتان احمەت.

ال توپتىڭ باسقا جىگىتتەرى سۇلتان مەن ءازيز وزدەرىنىڭ قالاۋىمەن كەتكەنىن ايتادى.

«سۇلتان مەن ءازيز ءوز قالاۋىن ىستەدى. اعالارمەن دە، بىزبەن دە سويلەستى، اقىلداستى. باسىندا توپتان تورتەۋمىزدە كەتىپ قالىپ ەدىك. تورەۋمىز ءتورت جاققا كەتىپ، جەكە- جەكە ءانشى بولامىز دەدىك»، - دەيدى جىگىتتەر.

ساكەن مايعازيەۆتىڭ ايتۋىنشا، جاس توپقا وزگە توپتاردان قولداۋ بولماعان. اسىرەسە، ءىرى الاڭدارعا قازاقستاننىڭ ونەرلى جاستارىن ەمەس، شەت ەل جۇلدىزدارىن شاقىراتىن ۇيىمداستىرۋشىلارعا رەنجۋلى.

«مۋزارت» توبىنىڭ ديرەكتورى ەرلان ءجۇنىسوۆ:

«ءبىر ەكى مينۋسىن كورەسىڭ دە قولدى ءبىر سىلتەپ، قويشى دەيمىن. مەن ءوزى مىنەزىم سونداي، شىداي المايمىن»، - دەيدى.

«مۋزارتlife»- ءتىڭ جىگىتتەرى اعالارىنا رەنجىمەيدى، كەرىسىنشە، ءۇمىتىن اقتاي المادىق دەپ قىنجىلادى. ءتورت قوشقاردىڭ باسى ءبىر قازاندا پىسپەيتىنىن اعالارى دا، وزدەرى دە جاقسى بىلگەن.