+7 (701) 759 90 19
16 °С : نۇر-سۇلتان
20 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

اتاقتى «نۇريكامال» ءانىنىڭ اۆتورى قايتىس بولدى

17 اقپان 14:45
:ءبولىسۋ
اتاقتى «نۇريكامال» ءانىنىڭ اۆتورى قايتىس بولدى

نۇر-سۇلتان. قازاقپارات - بۇگىن قازاق ونەرى تاعى ءبىر ساڭلاعىنان ايىرىلدى.

ەلىمىزگە تانىمال سازگەر، حالىقارالىق، رەسپۋبليكالىق بايقاۋلاردىڭ لاۋرەاتى تۇردىقىلىش ىزتايەۆ 71 جاسقا قاراعان شاعىندا باقيعا اتتاندى.

بۇل تۋرالى تۇركىستان وبلىستىق مادەنيەت باسقارماسى facebook پاراقشاسىندا حابارلادى.

«وسىعان وراي مارقۇمنىڭ تۋعان- تۋىستارى مەن ۇل- قىزدارىنا قايعىرىپ كوڭىل ايتامىز. مارقۇمنىڭ جاتقان جەرى جايلى، يمانى سالامات بولسىن!» دەلىنگەن.

تۇردىقىلىش ىزتايەۆ 1949 -جىلى 30 -ماۋسىم كۇنى تۇركىمەنستان رەسپۋبليكاسىنىڭ تاحتابازار اۋدانىندا دۇنيەگە كەلگەن. 1968 -جىلى شىمكەنت مۋزىكا ۋچيليشەسىن، 1973 -جىلى قۇرمانعازى اتىنداعى كونسەرۆاتوريانى، 1993 -جىلى لەنينگرادتاعى ن. ك. كرۋپسكايا اتىنداعى مادەنيەت ينستيتۋتىنىڭ اسپيراتۋراسىن بىتىرگەن.

ەڭبەك جولىن 1973 -جىلى ءال-فارابي اتىنداعى شىمكەنت مادەنيەت ينستيتۋتىندا باستاپ، وسى ۇجىمدا 1994 -جىلعا دەيىن تاباندى قىزمەت ەتتى. حالىق اسپاپتار كافەدراسىنىڭ دوتسەنتى. ش. قالداياقوۆ اتىنداعى وبلىسى فيلارمونيانىڭ كوركەمدىك جەتەكشىسى، حالىق اسپاپتارى وركەسترىنىڭ ديريجەرى. ول 20 دان استام عىلىمي جانە وقۋ ادىستەمەلىك جۇمىستاردىڭ اۆتورى. اندەرى جەكە البوم بولىپ «ماحاببات - ءومىر» دەگەن اتپەن جارىق كوردى. قازاق ەلىنە ەتەنە تانىمال «نۇريكامال» ءانىنىڭ اۆتورى. وبلىستىق ءماسليحاتتىڭ گراموتاسىمەن ماراپاتتالعان، وبلىس اكىمى بەلگىلەگەن «2000 -جىلدىڭ ەڭ ۇزدىك كومپوزيتورى» اتانعان.



باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات