مينيستر داۋرەن ابايەۆ بەيبىت جينالىستار تۋرالى زاڭدا بارلىق ەسكەرتۋلەردى ەسكەرۋگە ۋادە ەتتى

None
None
الماتى. قازاقپارات - الماتىدا ق ر اقپارات جانە قوعامدىق دامۋ ءمينيسترى داۋرەن ابايەۆ قوعامدىق كەڭەستىڭ وتىرىسىندا «قازاقستان رەسپۋبليكاسىندا بەيبىت جينالىستار، شەرۋ، پيكەتتەر، دەمونستراتسيالىق جينالىستاردى وتكىزۋ مەن ۇيىمداستىرۋ ءتارتىبى تۋرالى» جاڭا زاڭ جوباسىنىڭ كونتسەپتسياسىن كوپشىلىك تالقىلاۋىنا ۇسىندى، دەپ حابارلايدى قازاقپارات ءتىلشىسى.

جۋرناليست سەرگەي پونوماريەۆ تۇسىرگەن ۆيدەولاردى قۇقىق قورعاۋ ورگاندارىنا تاپسىرۋ تۋرالى پۋنكتتى ارتىق دەپ سانايتىنىن ايتتى.

«مەن 30 جىل تەلەارنادا تاجىريبەم بار ءتىلشىمىن. ءبىر جەرگە بارىپ ءتۇسىرىلىم جاسادىم دەلىك. ول مەنىڭ تاۋىپ وتىرعان ءناپاقام. ماعان سول كەزدە ا ءى ءى ب باسشىسى نەمەسە پروكۋرور كەلىپ، ۆيدەونى ماعان بەرىڭىز، ماعان كەرەك دەيدى. تۇسىرگەن ۆيدەوماتەريالىمدى سوعان بەرەمىن. ول 2-3 كۇندە قايتارسا جاقسى. ءبىراق ول كەزدە ماتەريال وزەكتىلىگىن جوعالتادى. مەنىڭ ويىمشا بۇل قاجەتسىز پۋنكت. ءبىزدى ادامدارعا اقپارات جەتكىزۋ مۇمكىندىگىنەن ايىرىپ وتىر»، - دەدى جۋرناليست.

داۋرەن ابايەۆ بۇل پۋنكتتى تۇزەتۋ كەرەكتىگىن ايتتى.

«ەگەر ماسەلە قىلمىستىق جاۋاپكەرشىلىك تۋرلى بولسا، ۆيدەو دالەلدەر بازاسى ءۇشىن جينالۋى مۇمكىن. ول جاعدايدا دا بىردەن ەمەس، بەلگىلى ءبىر ۋاقىتتان سوڭ. بۇل سىزدەردىڭ جەپ وتىرعان ناندارىڭىز، مەن ونى تۇسىنەمىن»، - دەدى د. ابايەۆ.

بەلگىلى جۋرناليست تىلشىلەردى باسقالاردان اجىراتۋ ءۇشىن جيلەت كيۋ شارتىنا قارسى ەكەندىگىن ايتتى.

«كەيدە جۋرناليستەر قوعاممەن بىرگە بولعىسى كەلەدى. بۇل ءبىزدى قورعاۋ ءۇشىن جاسالىپ وتىرعانىن ءتۇسىنىپ تۇرمىن. الايدا بۇل پۋكنت تە كۇمان تۋعىزادى»، - دەدى سەرگەي پونوماريەۆ.

الايدا مينيستر جۋرناليستەردىڭ قاۋىپسىزدىگى ەڭ ماڭىزدى ماسەلە ەكەندىگىن ايتتى.

بولاشاقتا قايعىلى جاعداي بولماس ءۇشىن ونىڭ الدىن العان ابزال.


سوڭعى جاڭالىقتار