داۋرەن ابايەۆ بەيبىت جينالىستار تۋرالى زاڭ جوباسىنىڭ باسىمدىقتارى جونىندە ايتىپ بەردى

None
None
الماتى. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ الماتىدا وتكەن ازاماتتىق قوعاممەن كەزدەسۋدە «قازاقستان رەسپۋبليكاسىندا بەيبىت جينالىستار، ميتينگىلەر، شەرۋلەر، پيكەتتەر جانە دەمونستراتسيالار ۇيىمداستىرۋ مەن وتكىزۋ ءتارتىبى تۋرالى» زاڭى تۋرالى ايتتى، دەپ حابارلايدى قازاقپارات ءتىلشىسى.

«مەن ءبىرىنشى كەزەكتە بۇل جەرگە سىزدەردى تىڭداۋ ءۇشىن كەلدىم. سوسىن سۇراقتارىڭىزعا جاۋاپ بەرىپ، پىكىرلەرىڭىزدى تىڭداعىم كەلدى. ەكى سوزبەن ايتقاندا، 1995-جىلى قابىلدانعان زاڭعا وزگەرىس ەنگىزسەك پە دەپ ويلادىق. ءبىراق، تالقىلاۋ مەن تالداۋ كەزىندە وزگەرىس ەنگىزگەنشە جاڭا زاڭ قابىلداعان دۇرىس ەكەندىگى انىقتالدى. ناقتى وزگەرىس ەنگىزۋ مۇمكىن بولماي شىقتى. جاڭا كونتسەپتۋالدى زاڭ قابىلداۋ كەرەك»، - دەدى داۋرەن ابايەۆ «قازاقستان رەسپۋبليكاسىندا بەيبىت جينالىستار، ميتينگىلەر، شەرۋلەر، پيكەتتەر جانە دەمونستراتسيالار ۇيىمداستىرۋ مەن وتكىزۋ ءتارتىبى تۋرالى» زاڭىن تالقىلاۋ كەزىندە.

مينيستر جاڭا زاڭنىڭ كۇشتى تۇستارىن دا تىلگە تيەك ەتتى.

ونىڭ ايتۋىنشا، جاڭا زاڭدا ۇيىمداستىرۋشىلاردىڭ، جۋرناليستەر مەن قاتىسۋشىلاردىڭ قۇقىعى مەن مىندەتتەرىنىڭ مارتەبەسى ايقىندالعان، مەملەكەتتىك ورگانداردىڭ ۋاكىلەتتىلىگى بەكىتىلگەن، ميتينگ وتەتىن ارنايى ورىندار بەلگىلەنگەن. ميتينگ وتكىزۋ ءتارتىبىن حابارلاندىرۋ ەرەجەسى ەنگىزىلگەن. وتىنىشتەردى قاراۋ تەتىگى ناقتىلانعان.

«ءبىزدىڭ ايتپاق بولعان بارلىق نوۆەللامىز جايلى سىزدەر بىلەسىزدەر. وسى ارادا وتىرعان ارىپتەستەرىمىزدىڭ كوپشىلىگى بۇل زاڭنىڭ وتە سالماقتى ەكەندىگىمەن كەلىسەدى. بەيبىت جينالىستار تۋرالى جاڭا وزگەرىستەر ەنگىزىلەدى»، - دەدى مينيستر.

سوڭعى جاڭالىقتار