+7 (701) 759 90 19
-1 °С : نۇر-سۇلتان
10 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

قانداستارعا قازاقستاندا تۇرۋعا جانە ازاماتتىعىن الۋعا ءبىر ءوتىنىش بەرۋ قۇقىعى ۇسىنىلماق

17 اقپان 10:58
:ءبولىسۋ
قانداستارعا قازاقستاندا تۇرۋعا جانە ازاماتتىعىن الۋعا ءبىر ءوتىنىش بەرۋ قۇقىعى ۇسىنىلماق

نۇر-سۇلتان. قازاقپارات - قانداستارىمىزعا قازاقستاندا تۇرۋعا جانە ازاماتتىعىن الۋعا ءبىر ءوتىنىش بەرۋ قۇقىعى ۇسىنىلماق.

بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ كەڭەيتىلگەن القا وتىرىسىندا ۆەدومستۆو باسشىسى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.

ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ دەرەگىنشە، 1991-جىلدان بەرى 1 ميلليون 57 مىڭ ەتنيكالىق قازاق تاريحي وتانىنا ورالىپ، ورالمان مارتەبەسىن العان. 2019-جىلى رەسپۋبليكاعا 9993 وتباسى كەلدى، 597 ورالمان وتباسى قابىلداۋ وڭىرلەرىندە قونىس اۋداردى. ازاماتتىق الۋ ءۇشىن قۇجاتتاردى تاپسىرىپ ۇلگەرمەگەن 8,2 مىڭ ەتنيكالىق قازاق وتكەن جىلعى ورالمان مارتەبەسىن ۇزارتۋ بويىنشا ءبىرجولعى اكسيا اياسىندا قازاقستان ازاماتتىعىن الدى.

سونىمەن قاتار ول قولدانىستاعى كوشى-قون جۇيەسىن جەتىلدىرۋ، ەلگە كەلگەن ەتنيكالىق قازاقتار مەن ميگرانتتار ءۇشىن قولايلى جاعدايلار جاساۋ، سونداي-اق ىشكى ەڭبەك نارىعىن قورعاۋ ماقساتىندا كوشى-قون پروتسەستەرىن رەتتەۋ تۋرالى زاڭ جوباسى ازىرلەنگەنىن اتاپ ءوتتى. قۇجات قازاقستان رەسپۋبليكاسى پارلامەنتىنىڭ ماجىلىسىندە قارالىپ جاتىر.

«زاڭ جوباسى اياسىندا ورالماندارعا قازاقستاندا تۇرۋعا جانە ازاماتتىعىن الۋعا ءبىر ءوتىنىش بەرۋ قۇقىعىن قاراستىرۋ ۇسىنىلادى. ورالماندارعا «ءبىر تەرەزە» قاعيداتى بويىنشا مەملەكەتتىك قىزمەتتەر كورسەتۋ راسىمدەرىن وڭتايلاندىرۋ كوزدەلىپ وتىر. سونداي-اق، شەتەلدىك بىلىكتى قىزمەتكەرلەردى قازاقستاندىق كادرلارمەن اۋىستىرۋ جونىندەگى مىندەتتەمەلەردى جۇمىس بەرۋشىلەرگە جۇكتەۋ ۇسىنىلادى. رۇقسات تەك ىشكى ەڭبەك نارىعىندا ماماندار بولماعان جاعدايدا عانا بەرىلۋى ءتيىس»، - دەدى ءبىرجان نۇرىمبەتوۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات