بەردىبەك ساپاربايەۆ قورداي اۋدانىنىڭ الەۋمەتتىك نىساندارىمەن تانىستى

None
None
تاراز. قازاقپارات - جامبىل وبلىسىنىڭ اكىمى بەردىبەك ساپاربايەۆ جۇمىس ساپارىمەن قورداي اۋدانى قاسىق اۋىلدىق وكرۋگىنە باردى، دەپ حابارلايدى قازاقپارات ءتىلشىسى ايماق باسشىسىنىڭ باسپا ءسوز قىزمەتىنە سىلتەمە جاساپ.

قاسىق اۋىلدىق وكرۋگىنىڭ اكىمشىلىك ورتالىعىندا - قورداي اۋىلىنىڭ اۋدان ورتالىعىنا جاقىن ورنالاسقان ءالجان انا اۋىلىندا بەردىبەك ساپاربايەۆ ءالجان انا تاريحي مۇراجايى مەن اۋىلدىڭ مادەنيەت ءۇيىن ارالادى.

ايتا كەتەيىك، بۇل اۋىل قاسىق دەپ اتالعانعا دەيىن، وسى جەردە ەلدىڭ تۇڭعىش پرەزيدەنتىنىڭ اناسى ءالجان- انا تۋىپ، ءومىر سۇرگەن. 2017-جىلى جامبىل وبلىستىق ءماسليحاتىنىڭ سەسسياسىندا وبلىستىق ونوماستيكا كوميسسياسىنىڭ قاسىق اۋىلىنىڭ اتاۋىن ءالجان انا دەپ وزگەرتۋ تۋرالى شەشىم قابىلداندى.

سونىمەن قاتار، بەردىبەك ساپاربايەۆ ءبىر اۋىسىمدا 15 كەلۋشىگە ارنالعان اۋىلدىق دارىگەرلىك امبۋلاتوريانىڭ جۇمىسىمەن تانىستى. مەديتسينالىق مەكەمەنىڭ شتاتتىق قۇرامى 14 قىزمەتكەردەن تۇرادى، ونىڭ ەكەۋى - دارىگەر جانە جەتەۋى ورتا دەڭگەيلى قىزمەتكەر. وبلىس اكىمى مىندەتتى مەديتسينالىق ساقتاندىرۋ، ۆاكتسيناتسيا، سكرينينگ جۇيەسىنىڭ ەنگىزىلۋىن باقىلاۋدى، سونداي-اق پاتسيەنتتەرمەن جۇمىس ساپاسىن جاقسارتۋدى تاپسىردى.

ايماق باسشىسى وسى اۋىلدا جاستاردىڭ بوس ۋاقىتىن ۇيىمداستىرۋ، قىزىعۋشىلىقتارى بويىنشا ءارتۇرلى ۇيىرمەلەر اشۋ قاجەتتىگىنە نازار اۋداردى. مادەنيەت ءۇيى جانىندا بۇگىندە كىتاپحانا، دومبىرا جانە ۆوكال ويناۋ ۇيىرمەلەرى جۇمىس ىستەيدى.

ءالجان انا اۋىلىنداعى تۇرار رىسقۇلوۆ اتىنداعى 23№ مەكتەپتە 85 مۇعالىم 850 بالاعا ساباق بەرەدى، سپورت زالى، تولىق جابدىقتالعان حيميا كابينەتتەرى، مۋلتيمەديالىق كابينەت، جوعارى سىنىپ وقۋشىلارىنا ارنالعان شەبەرحانالار، ۇلكەن كىتاپحانا بار. پەداگوگيكالىق ۇجىممەن كەزدەسۋ بارىسىندا ايماق باسشىسى مۇعالىمدەردىڭ نازارىن تاربيە جۇمىسىن كۇشەيتۋگە جانە اتا-انالارمەن تىعىز قارىم-قاتىناس ورناتۋ قاجەتتىلىگىنە اۋداردى. بەردىبەك ساپاربايەۆ وقۋ كورپۋسىنا اعىمداعى جىلى كۇردەلى جوندەۋ جۇمىسىن جۇرگىزۋ تۋرالى ۇسىنىستارىن قولدادى.

ودان ءارى ايماق باسشىسى قورداي اۋىلى ماڭىندا ورنالاسقان بىرەگەي اكۆاپونيكالىق جىلىجايمەن تانىستى، ول تەك اسكوك پەن كوكونىس قانا ەمەس، سونىمەن قاتار بالىق وسىرۋگە دە مۇمكىندىك بەرەدى.

قازىر مۇندا گيدروپونيكا ادىسىمەن سالاتتىڭ 15 ءتۇرى وسىرىلەدى. 0,2 گەكتارعا كوكتەمگى قۇلپىناي ەگىلدى. 2019-جىلى پايدالانۋعا بەرىلگەن جوبانىڭ قۇنى - ءبىر ميلليارد تەڭگە. جىلىجايدىڭ ءوزى 0,7 گەكتار اۋماقتى الىپ جاتىر. تولىق قۋاتقا شىققاننان كەيىن مۇندا 20 تۇراقتى جۇمىس ورنى بولادى.

ايماق باسشىسى، اسىرەسە، ماۋسىمنان تىس ۋاقىتتا وبلىس حالقىن ارزان، جەرگىلىكتى ونىمدەرمەن تولىق قامتاماسىز ەتۋ ءۇشىن جوعارى تەحنولوگيالىق جىلىجاي فەرمالارىن بەلسەندى تۇردە دامىتۋدى تاپسىردى.

جامبىل وبلىسى اكىمىنىڭ باسپا ءسوز قىزمەتىنەن حابارلاعانداي، جۇمىس ساپارىن اياقتاي وتىرىپ، بەردىبەك ساپاربايەۆ بارلىق ايتىلعان تاپسىرمالار ساپالى جانە بەلگىلەنگەن مەرزىمدە ورىندالۋى ءتيىس ەكەنىن اتاپ ءوتتى. ولاردىڭ ورىندالۋىن ول ءوزى باقىلايتىن بولادى.

ەسكە سالا كەتەيىك، جۋىردا جامبىل وبلىسى اكىمدىگىندە ءوڭىردىڭ الەۋمەتتىك ماسەلەلەرى تالقىلاندى. بەردىبەك ساپاربايەۆ وبلىستىڭ الەۋمەتتىك ساياساتىنداعى باسىم باعىتتاردى ودان ءارى دامىتۋ جانە ەڭ الدىمەن جاڭا تۇراقتى جۇمىس ورىندارىن قۇرۋ تۋرالى ءوز كوزقاراسىن ۇسىندى. ءوڭىر نەگىزىنەن اگرارلىق بولعاندىقتان، اۋىل شارۋاشىلىعىن دامىتۋ وبلىستىڭ ەكونوميكاسى مەن الەۋمەتتىك سالاسىندا ماڭىزدى ءرول اتقارادى. سونداي-اق، 2019-جىلى باستالعان اۋىل تۇرعىندارىنىڭ تابىسىن ارتتىرۋ جوباسى الداعى ۋاقىتتا قارجىلاندىرۋ كولەمىن كەڭەيتۋگە جانە كوپ ادامداردىڭ ماتەريالدىق جاعدايىن جاقسارتۋعا مۇمكىندىك بەرەدى.


سوڭعى جاڭالىقتار