قاسىم- جومارت توقايەۆ نۇر-سۇلتان قالاسىنىڭ اكىمىن قابىلدادى

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ نۇر-سۇلتان قالاسىنىڭ اكىمى التاي كولگىنوۆتى قابىلدادى، دەپ حابارلايدى اقوردانىڭ رەسمي سايتى.

كەزدەسۋدە التاي كولگىنوۆ مەملەكەت باسشىسىنا نۇر- سۇلتان قالاسىن دامىتۋ ماسەلەلەرى جونىندەگى كەڭەستە بەرىلگەن تاپسىرمالاردىڭ ورىندالۋ بارىسى تۋرالى مالىمەت بەردى.

قازاقستان پرەزيدەنتىنە تۇرعىن ءۇي، الەۋمەتتىك نىساندار: مەكتەپتەر، اۋرۋحانالار مەن ەمحانالار، جەڭىل اتلەتيكا ستاديونىن سالۋ جوسپارلارى، قازاق دراما تەاترىنىڭ قۇرىلىسى جونىندە باياندالدى.

قاسىم-جومارت توقايەۆ تۇرمىسى تومەن وتباسىلارعا جانە مۇمكىندىگى شەكتەۋلى جاندارعا مەملەكەت تاراپىنان الەۋمەتتىك كومەك كورسەتۋدىڭ ماڭىزدىلىعىن اتاپ ءوتىپ، حالىقتىڭ ءومىر ءسۇرۋ ساپاسىن ارتتىرۋ باعىتىنداعى جۇمىستاردى جالعاستىرۋ قاجەت ەكەنىن ايتتى.

سونىمەن قاتار، مەملەكەت باسشىسى ەلوردا اكىمىنە قالانىڭ ينجەنەرلىك جەلىلەرىن نىعايتىپ، كارىز جۇيەلەرىن جاڭارتۋ جونىندە ناقتى تاپسىرما بەردى.

جالپى، پرەزيدەنت ەلوردا اكىمدىگىنىڭ جۇمىسىنا وڭ باعا بەرىپ، قالانى اباتتاندىرۋ ءىسىن ودان ءارى قارقىندى جۇرگىزۋ بويىنشا مىندەتتەر قويدى.


سوڭعى جاڭالىقتار