+7 (701) 759 90 19
28 °С : نۇر-سۇلتان
32 °С : الماتى
USD 408.61 EUR 454.09
RUB 5.86 CNY 57.28
جاڭالىقتار

قىتايدان الماتىعا كەلگەندەر كارانتيننەن شىعارىلدى

17 اقپان 11:15
:ءبولىسۋ
قىتايدان الماتىعا كەلگەندەر كارانتيننەن شىعارىلدى

الماتى. قازاقپارات - قىتايدان كەلگەن 171 قازاقستاندىق الماتىداعى ستاتسيونارلاردىڭ بىرىنەن ۇيلەرىنە جىبەرىلدى، دەپ حابارلايدى قازاقپارات.

قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنەن ءمالىم ەتكەندەي، ستاتسيوناردا ەۆاكۋاتسيالانعان ستۋدەنتتەردەن بولەك، ءۇش وتباسىلىق جۇپ، 9 جانە 6 جاستاعى ەكى بالا بولدى. ولاردىڭ اۋرۋحانادان شىعار كەزدەگى جاعدايى - «قاناعاتتانارلىق».

قالا اكىمدىگى اۋرۋحانادان شىققانداردى باراتىن جەرلەرىنە جەتكىزىپ سالۋ ءۇشىن 14 اۆتوبۋس ءبولدى.

الماتى قالالىق دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى تىلەۋحان ادىلدايەۆتىڭ ايتۋىنشا، ستاتسيونارعا جاتقىزىلعاندار ءۇش تاۋلىك بويى مەديتسينالىق قىزمەتكەرلەردىڭ باقىلاۋىندا بولدى. كوروناۆيرۋستىڭ بار-جوعىن انىقتاۋ ءۇشىن سىنامالار الىنىپ، عىلىمي تالداۋ ورتالىعىنا جىبەرىلدى.


زەرتتەۋ قورىتىندىسى بارلىعىندا تەرىس ناتيجە كورسەتتى. ولار ەندى تۇرعىلىقتى جەرلەرى بويىنشا 14 كۇن مەديتسينالىق باقىلاۋدا بولادى.

اۋرۋحانادان شىعارىلعان ازاماتتار جىلى قارسى العاندارى ءۇشىن ۇكىمەتكە، ق ر دەنساۋلىق ساقتاۋ باسقارماسىنا، قالا اكىمدىگى مەن مەديتسينالىق قىزمەتكەرلەرگە العىس ايتتى.

قىتايداعى پوشتا جانە تەلەكوممۋنيكاتسيا ۋنيۆەرسيتەتىندە وقيتىن 20 جاستاعى بويجەتكەن دە ءوز ويىمەن ءبولىستى.


«ۇشاققا وتىرعان كەزدە ءبارىمىزدى بورتقا اتى- ءجونىمىزدى اتاپ شاقىردى. دەنە قىزۋىمىزدى ولشەپ، باسۋ ايتتى. بۇل جاقتا بىزگە تۇسىنىستىكپەن، مەيىرىممەن قاراعاندارى قۋانتتى. ءوزىمىزدى وتباسىمىزدا جۇرگەندەي سەزىندىك. دارىگەرلەر مەن مەدبيكەلەر ەرجۇرەكتىلىك تانىتقانى تاڭعالدىردى. ولار ۆيرۋس جۇقتىرىپ الامىز دەپ قورىققان جوق. باستاپقىدا ءبىزدىڭ ەموتسيالىق جاعدايىمىز تۇراقسىز بولعاندىقتان، بىزبەن پسيحولوگ جۇمىس ىستەدى»، - دەيدى مارينا پوتاپوۆا.


ەسكە سالا كەتسەك، 2020 -جىلى 13-اقپاندا الماتىداعى حالىقارالىق اۋەجايعا قىتايدان رەيس كەلدى. بورتتا 211 ادام بولعان، ونىڭ 171 ى قازاقستان ازاماتى بولسا، 40 ى - قىرعىزستاندىق. كەيىن قىرعىزستان ازاماتتارى ءوز ەلدەرىنە جەتكىزىلدى.

اۆتور: زارينا قاھارمان


باستى سوزدەر: وتانداستار,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات