قازاقستاندا قاعاز سىناق كىتاپشالارى قولدانىستان الىنىپ تاستالدى

None
None
نۇر-سۇلتان. قازاقپارات - جوعارى وقۋ ورىندارىنىڭ ستۋدەنتتەرىنە ارنالعان قاعاز سىناق كىتاپشالارى الىنىپ تاستالدى.

بۇل تۋرالى قازاقپارات ب ع م سىلتەمە جاساپ حابارلايدى.

«قازاقستان رەسپۋبليكاسى ءبىلىم جانە عىلىم مينيسترلىگىمەن ستۋدەنتتەردىڭ، ماگيسترانتتار مەن دوكتورانتتاردىڭ سىناق كىتاپشالارىن الىپ تاستاۋ بويىنشا بۇيرىق ازىرلەندى. بۇل وقۋ ءۇردىسىن جەڭىلدەتىپ، بيۋروكراتيانى ايتارلىقتاي تومەندەتەدى.

بۇگىنگى تاڭدا ەلىمىزدىڭ جوعارى وقۋ ورىندارىنىڭ اقپاراتتىق جۇيەسىندە، كەيىن ترانسكريپتتە بەلگىلەنەتىن، ستۋدەنتتەردىڭ، ماگيسترانتتار مەن دوكتورانتتاردىڭ وقۋ جەتىستىكتەرىنىڭ تاريحي دەرەكتەرى جۇرگىزىلىپ جاتادى. ترانسكريپت ستۋدەنتتىڭ سۇرانىسى بويىنشا وقۋدىڭ كەز كەلگەن كەزەڭىندە بەرىلەدى. بۇل جاڭالىق 604345 ستۋدەنت، 35690 ماگيسترانت جانە 6363 دوكتورانتقا قاتىستى»، - دەلىنگەن مينيسترلىك حابارلاماسىندا.

ايتا كەتكەن ءجون، ءبىر سىناق كىتاپشاسىنىڭ قۇنى ورتاشا ەسەپپەن 380 تەڭگەنى قۇرايدى. جالپى، سيفرلاندىرۋ زامانىندا بارلىق ءبىلىم بەرۋ جۇيەسى بىرتىندەپ ونلاين-فورماتقا كوشۋدە.


سوڭعى جاڭالىقتار