پلانەتانى جاھاندىق جىلىنۋدان قۇتقارا الامىز با - الەمدىك باسپا سوزگە شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي نازارلارىڭىزعا الەمدىك باسپا سوزگە شولۋىن ۇسىنادى.

قىتايدا مەديتسينا قىزمەتكەرلەرى كوروناۆيرۋس جۇقتىرا باستادى - Lancet

قىتاي شەنەۋنىكتەرى دەنساۋلىق ساقتاۋ سالاسىنىڭ قىزمەتكەرلەرى تۋرالى بايانداما جاريالادى. وندا ۆيرۋستان قورعانۋعا قاجەتتى قۇرالداردىڭ جەتىسپەۋشىلىگى مەديتسينا قىزمەتكەرلەرىنىڭ كوروناۆيرۋسقا شالدىعۋىنا اپارىپ سوعاتىنى ايتىلعان، دەپ جازادى Lancet.

ولاردىڭ ايتۋىنشا، وسى كۇنگە دەيىن كوروناۆيرۋستى 1716 مامان جۇقتىرىپ، 6 اۋى كوز جۇمعان. ال ءبىر اپتا بۇرىن بيلىككە كوروناۆيرۋس تۋرالى ەسكەرتپەك بولعان دارىگەر لي ۆەنلياننىڭ ءولىمى قوعامدا اشۋ تۋعىزدى.

قىتايدىڭ دەنساۋلىق ساقتاۋ ۆيتسە-ءمينيسترى جەن يسيننىڭ سوزىنشە، ۋحاندا 1102 مەديتسينا قىزمەتكەرى، حۋبەيدىڭ باسقا پروۆينسيالارىندا 400 مامان كوروناۆيرۋسقا شالدىققان. مەديتسينا قىزمەتكەرلەرىنىڭ اراسىندا ينفەكسيا جۇقتىرعاندار سانى ارتىپ كەلەدى.

«مەديتسينا قىزمەتكەرلەرىنىڭ جاعدايى اۋىر. ولاردىڭ جۇمىستارى قيىن، دەمالۋعا مۇمكىندىك جوق. پسيحولوگيالىق قىسىم باسىم. ۆيرۋس جۇقتىرۋ ءقاۋپى دە جوعارى»، - دەدى ول.

جەرگىلىكتى بيلىك قىزمەتكەرلەردى رەسپيراتورلىق ماسكامەن، قورعاناتىن كوزىلدىرىكتەرمەن، ارنايى كيىمدەرمەن قامتۋعا تىرىسقان. دەگەنمەن، كۇن وتكەن سايىن جاعداي قيىنداپ بارادى.

قازىرگى تاڭدا ۆيرۋستان قازا تاپقان مەدقىزمەتكەرلەر سانى 1600 دەن استى.

ۇلتتىق دەنساۋلىق ساقتاۋ كوميسسياسىنىڭ مالىمەتى بويىنشا، قىتايدا ينفەكسيا جۇقتىرعانداردىڭ جالپى 68 مىڭنان استى.

دۇنيەجۇزىلىك دەنساۋلىق ساقتاۋ ۇيىمى حۋبەيدە كوروناۆيرۋس جۇقتىرعاندار سانى كۇرت ارتقانىمەن، قىتاي بويىنشا جاعداي تۇراقتى ەكەنىن ايتتى. ال جاپونياداعى كرۋيز لاينەرىندە ۆيرۋسقا شالدىققاندار سانى 218 گە جەتتى.

امەريكالىقتار ونلاين-الاياقتار كەسىرىنەن 201 ميلليون دوللاردان قاعىلعان - CNN

امەريكادا ونلاين- الاياقتىق كوز ىلەسپەس جىلدامدىقپەن ارتىپ كەلەدى جانە سونىڭ كەسىرىنەن ا ق ش ازاماتتارى ميلليونداعان قارجىدان قاعىلۋدا، دەپ جازادى CNN.

اگەنتتىكتىڭ حابارلاۋىنشا، بىلتىر امەريكالىقتار ونلاين-الاياقتىق كەسىرىنەن 201 ميلليون دوللار جوعالتقان. بۇل، 2018 -جىلمەن سالىستىرعاندا 40 پايىزعا كوپ.

«الاياقتار كوبىنە جالعان اككاۋنت اشىپ، باسقا ادامنىڭ اتىن جامىلادى. ولار الدايتىن ادام تۇراتىن قالادا بولمايدى. ولار ۇشاق بيلەتى نەمەسە اۋرۋحانا ەمى سەكىلدى نارسەلەرگە اقى تولەتۋى مۇمكىن»، - دەلىنگەن ماقالادا.

اتاپ وتىلگەندەي، امەريكادا ونلاين-الاياقتار كوبىنە Facebook الەۋمەتتىك جەلىسىن پايدالانادى.

پلانەتانى جاھاندىق جىلىنۋدان قۇتقارا الامىز با؟ - Le Figaro

«كومپانيالار، مەنەدجەرلەر، سايلاۋ كانديداتتارى. بارلىعى تابيعاتتى قۇتقارۋ ءۇشىن اعاش وتىرعىزۋعا شاقىرادى. بۇل دۇرىس شەشىم بولعانىمەن، ءتيىمدى ءتاسىل ەمەس»، - دەپ جازادى Le Figaro.

وتكەن ايدا داۆوس ەكونوميكالىق فورۋمىندا ا ق ش پرەزيدەنتى دونالد ترامپ تا قورشاعان ورتانى قورعاۋ ءۇشىن تريلليون اعاش وتىرعىزۋ يدەياسىن قولدايتىنىن ايتتى.

«ماقسات ماقتاۋعا تۇرارلىق - پارنيكتىك گازداردىڭ ءبىرى كومىرقىشقىل گازىن ازايتۋ. بۇل گاز جاھاندىق جىلىنۋعا الىپ كەلەتىن پارنيكتىك گازداردىڭ ءبىرى. ورمان راسىمەن دە بۇل گازدىڭ ازايۋىنا اسەر ەتەدى. 2018 -جىلى كليماتتىڭ وزگەرۋى بويىنشا ساراپشىلاردىڭ ۇكىمەتارالىق كوميسسياسى دا ورمان القاپتارىن كوبەيتۋ ماسەلەسىن كوتەرگەن ەدى. امەريكا اۋماعىنا اعاش وتىرعىزۋ ادامنىڭ وندىرىستىك ريەۆوليۋتسيا ناتيجەسىندە تاراعان 300 ميلليارد توننا كومىرتەكتىڭ 205 ميلليارد تونناسىن جويا الادى» ، - دەپ جازادى باسىلىم.

دەگەنمەن، ماماندار باستى پروبلەما پارنيكتىك گاز ەكەنىن ايتادى.

«ورماندى كوبەيتىپ، اعاش وتىرعىزۋ ارقىلى جاھاندىق جىلىنۋ پروبلەمالارىن شەشە المايمىز. سونىمەن قاتار اعاش وتىرعىزۋعا قاجەتتى توپىراق، قاجەتتى اعاش تاڭداۋ ماسەلەسىن ەسكەرۋ كەرەك. سونىمەن قاتار دۇرىس دايىندىق جاسالماعان اعاش وتىرعىزۋ جوبالارى ساتسىزدىككە ۇشىرايدى»، دەيدى ماماندار.

ولاردىڭ ايتۋىنشا، 2019 -جىلى تۇركيادا رەجەپ تايىپ ەردوعاننىڭ باستاماسىمەن ۇلتتىق اعاش وتىرعىزۋ كۇنى جاريالانىپ، رەسپۋبليكادا 11 ميلليون شىرشا ەگىلدى. دەگەنمەن، ءۇش ايدان كەيىن ونىڭ توقسان پايىزعا جۋىعى سۋ جەتىسپەۋشىلىگىنەن ءولىپ قالعان.

الەم ەلدەرى قورعانىسقا بولىنگەن قارجىنى ارتتىرىپ جاتىر – BBC

2019 -جىلى الەمدە قورعانىسقا كەتكەن جاھاندىق شىعىن 2018 -جىلمەن سالىستىرعاندا 4 پايىزعا ارتتى، دەپ جازادى BBC . باسىلىمنىڭ مالىمەتىنشە، بۇل سوڭعى ون جىلداعى ەڭ ۇلكەن ءوسىمدى قۇرايدى.

مۇنداي دەرەكتى ستراتەگيالىق زەرتتەۋلەردىڭ حالىقارالىق ينستيتۋتى جاريالادى.

ەۋروپادا قورعانىس شىعىنى 2018 -جىلمەن سالىستىرعاندا 4,2 پايىزعا ارتقان. بۇل شتاتتار اراسىندا باسەكەلەستىكتىڭ ارتۋىن كورسەتەدى.

ا ق ش پەن قىتايدا قورعانىس شىعىنى 2019 -جىلى 6,6 پايىزعا وسكەن. ازيادا سوڭعى ون جىلدا بۇل كورسەتكىش ەلۋ پايىزعا ارتقان.

اۆتور: ايكۇمىس بولاتبەك

سوڭعى جاڭالىقتار