+7 (701) 759 90 19
21 °С : نۇر-سۇلتان
22 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ابزال اجىعاليەۆ الەم كۋبوگى كەزەڭىنىڭ جۇلدەگەرى اتاندى

17 اقپان 10:30
:ءبولىسۋ
ابزال اجىعاليەۆ الەم كۋبوگى كەزەڭىنىڭ جۇلدەگەرى اتاندى

نۇر-سۇلتان. قازاقپارات - قازاقستاندىق ابزال اجىعاليەۆ دوردرەحت قالاسىندا شورت-ترەكتەن الەم كۋبوگى كەزەڭىندە قولا جۇلدەگەر اتاندى، دەپ حابارلايدى قازاقپارات.

ۇلتتىق وليمپيادا كوميتەتى ءمالىم ەتكەنىندەي، ابزال 500 مەتر قاشىقتىقتا ۇزدىك ۇشتىككە ىلىكتى.

بۇل قاشىقتىقتا وڭتۇستىك كورەيالىق سە دجۋن لۋ التىن مەدالدى جەڭىپ الدى. بەلگيالىق ستين دەسمەت كۇمىس جۇلدەگە يە بولدى.

ا. اجىعاليەۆ ەكىنشى جارتىلاي فينالدا مارەگە ءبىرىنشى بولىپ جەتىپ، سوڭعى باسەكەگە جولداما الدى.

شورت-ترەكتەن قازاقستان قۇراماسىنىڭ باس باپكەرى ءمادىعالي قارسىبەكوۆ قازىرگى كەزدە كوماندانىڭ الداعى ناۋرىز ايىنىڭ ورتاسىندا سەۋل قالاسىندا وتەتىن الەم چەمپيوناتىنا دايىندالىپ جاتقاندىعىن جەتكىزدى.

«بيىلعى ماۋسىمدا جاستاردان نۇرتىلەك قاجىعالي، ءادىل عالياحمەتوۆ، ەركەبۇلان شامۋحانوۆ، مەرسايد جاقسىبايەۆتاردى قوسىپ، شاما-شارقىن بايقاپ جاتىرمىز. بۇرىنعى قۇرامنان ابزال اجىعاليەۆ پەن دەنيس نيكيشا قالدى. بارلىعى 8-9 شورت-ترەكشىمىزدى شىڭداۋ ۇستىندەمىز. الداعى جىلى قىركۇيەكتەن باستاپ ءتورت بىردەي الەم كۋبوگى كەزەڭى ءوتىپ، وليمپياداعا ليزەنتسيالار ساراپقا سالىنادى. ماقسات - 2022 -جىلعى بەيجىڭ وليمپياداسىنا قاتىسۋ ءۇشىن جولدامالاردى بارىنشا كوبىرەك جەڭىپ الۋ»، - دەدى قازاقپارات تىلشىسىنە م. قارسىبەكوۆ.

ايتا كەتسەك، باتىس قازاقستان وبلىسىندا تۋىپ-وسكەن ابزال اجىعاليەۆ كەيىنگى جىلدارى نۇر-سۇلتان قالاسىنىڭ اتىنان ەل نامىسىن قورعاپ كەلەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات