الەمدە كوروناۆيرۋس جۇقتىرعاندار سانى ارتۋدا

None
None
بەيجىڭ. قازاقپارات - سەنبى كۇنى قىتايدا كوروناۆيرۋس جۇقتىرۋدىڭ جاڭادان 2009 جاعدايى تىركەلدى، دەپ حابارلادى شينحۋا اگەنتتىگى ق ح ر دەنساۋلىق ساقتاۋ مينيسترلىگىنە سىلتەمە جاساپ.

سەنبى كۇنى كوروناۆيرۋستان تاعى 142 ادامنىڭ كوز جۇمعانى بەلگىلى بولدى. ولاردىڭ 139 ى ىندەتتىڭ وشاعىنا اينالعان حۋبەي پروۆينسياسىندا كوز جۇمعان. ۇلتتىق دەنساۋلىق ساقتاۋ كوميسسياسىنىڭ مالىمەتىنشە، ەكى ادام سىچۋان پروۆينسياسىندا جانە بىرەۋى - حۋنان پروۆينسياسىندا كوز جۇمدى. سونداي-اق، 2009 ادامنىڭ ىشىندە 1843 ى حۋبەي پروۆينسياسىنان. 1843 ناۋقاستىڭ 888 ىنە كلينيكالىق دياگنوز قويىلدى. وسىلايشا، قىتايدا كوروناۆيرۋس جۇقتىرۋدىڭ راستالعان 68500 جاعدايى تىركەلدى.

Yonhap دەرەگى بويىنشا، وڭتۇستىك كورەيادا 82 جاستاعى ەر ادامنىڭ جاڭا ۆيرۋستى جۇقتىرعانى انىقتالدى. ول سوڭعى ۋاقىتتا ەلدەن مۇلدەم شىقپاعان. وڭتۇستىك كورەيادا ىندەتكە شالدىققانداردىڭ جالپى سانى - 29 ادام.

سونىمەن قاتار، Diamond Princess كرۋيزدىك لاينەرىندە كوروناۆيرۋس جۇقتىرعاندار سانى ارتىپ جاتىر. The Guardian حابارلاعانداي، جەكسەنبى كۇنى جاپونيادا 4-اقپاننان بەرى كارانتيندە بولعان لاينەردىڭ جولاۋشىلارى اراسىندا 70 ادامنىڭ اۋرۋ جۇقتىرعانى بەلگىلى بولدى. ىندەت جۇقتىرعانداردىڭ جالپى سانى 355 ادامعا جەتتى. Diamond Princess بورتىندا ازاماتتارى بار اقش، گونكونگ، كانادا، اۋستراليا جانە تاعى باسقا ەلدەر ءوز ادامدارىن ەۆاكۋاتسيالاۋعا دايىن. ولار ۇيلەرىنە ورالعاننان كەيىن 14 كۇنگە كارانتينگە ورنالاستىرىلادى.

سوڭعى جاڭالىقتار