نەپال ەۆەرەست شىڭىن قوقىستان تازالاۋعا اسكەريلەردى جۇمىلدىرماق
نەپال ۇكىمەتى بۇل مىندەتتى ورىنداۋعا اسكەريلەردى جۇمىلدىراتىن بولدى. بۇل ءۇشىن 7,5 ميلليون دوللار قاراجات جۇمسالادى. بىلتىر ولار وڭىردەن 10 مىڭ كەلى قوقىس الىپ شىققان.
«دەگەنمەن، اسكەريلەردىڭ شىڭعا شىعۋعا قاجەتتى تاجىريبەسى جوق. سوندىقتان ولار اسا بيىككە شىعا الماعان. مۇنداي بيىكتىككە تەك گيدتەر مەن الپينيستەر شىعا الادى، سول سەبەپتى ولارعا اقشا تولەپ، وسى مىندەتتەردى ورىنداتقان ءجون»، - دەپ جازادى اۆتور.
ونىڭ ايتۋىنشا، 2019-جىلى ەۆەرەستە 11 ادام قازا تاپقان. ولاردىڭ دەنەسى تاۋدا قالعاندىقتان، بۇل تازالاۋ جۇمىستارىندا دا ەسكەرىلۋى ءتيىس. ءتىپتى، ادام دەنەسى مەن قوقىس ونداعان جىل بويى مۇز بەن قاردىڭ استىندا جاتقان جاعدايلار دا بار كورىنەدى.
«ۇكىمەت شىڭعا شىعىپ، قوقىس جيناۋ جۇمىستارىندا كاسىبي بىلىكتىلىك تە قاجەت بولاتىنىن ەسكەرۋى كەرەك»، - دەيدى الپينيستەر.
نەپال ۇكىمەتى تاۋداعى قوقىستى ازايتۋ ءۇشىن دە شارالار قولعا العان.
«مىسالى، الپينيستەردەن 400 دوللار الىم جينالادى. ەگەر ولار قوقىستى وزدەرىمەن الىپ كەلسە، بۇل اقشا كەرى قايتارىلادى»، - دەپ جازادى اۆتور.
ال نەپال الپينيستەرى قاۋىمداستىعى وكىلدەرىنىڭ ايتۋىنشا، اۋىر تسيليندرلەر مەن مايىتتەردى تومەن ءتۇسىرۋ وتە قيىن.