+7 (701) 759 90 19
22 °С : نۇر-سۇلتان
26 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

ارباعا تاڭىلعان اقتوبەلىك تاعدىرلاستارىنا تۇرمىستىق تەحنيكا جوندەۋدى ۇيرەتۋدە

16 اقپان 10:34
:ءبولىسۋ
ارباعا تاڭىلعان اقتوبەلىك تاعدىرلاستارىنا تۇرمىستىق تەحنيكا جوندەۋدى ۇيرەتۋدە

اقتوبە. قازاقپارات - اقتوبەنىڭ شالقار قالاسىندا تۇراتىن ەرلان الداشەۆ «شالقار ساياسى» مۇگەدەكتەردى قولداۋ ورتالىعىن اشىپ، ءوز كاسىبىن دوڭگەلەتىپ وتىر.

ول ءوزى سەكىلدى مۇمكىندىگى شەكتەۋلى جانداردى جۇمىسپەن قامتۋ ءۇشىن تەحنيكا جوندەۋدىڭ قىر-سىرىن ۇيرەتىپ ءجۇر، دەپ حابارلايدى قازاقپارات ءتىلشىسى.

ەرلان الداشەۆ جاس كەزىندە ابايسىزدا پويىز استىنا ءتۇسىپ، ەكى اياعىنان بىردەي ايىرىلدى. اۋرۋحانادا ەم قابىلداپ جاتقان كەزدە مەكتەپ بىتىرگەن سۇيىكتىسى ۇنەمى جانىنان تابىلىپ، ءتورت اي بويى بار كۇتىمىن جاسادى.

ۋاقىت وزدىرماي ەكى جاس شاڭىراق كوتەرىپ، توقسانىنشى جىلدارداعى تۇرمىس اۋىرتپالىعىمەن بىرگە كۇرەسەدى. وتاعاسى بالا كەزىنەن تۇرمىستىق تەحنيكالاردى جوندەپ، ماشىقتانعان. قوقىسقا لاقتىرعان تالاي دۇنيەنى قايتا جوندەپ، كوپ ادامنىڭ العىسىن الدى. بىردە كورشىسى بۇزىلعان تەلەديدارىن اكەلىپ، جوندەتىپ الادى. وسىدان كەيىن ونى ىزدەۋشىلەر قاتارى بىرتە- بىرتە كوبەيىپ، تۇرمىستىق تەحنيكالار شاعىن ۇيىنە سىيماي كەتەدى.

كەيىن اۋىل تۇرعىندارى ونى «تەلەماستەر ەرلان» دەپ اتايتىن بولعان. شاعىن بولمەدە تۇرمىستىق تەحنيكالاردىڭ نازىك تالشىقتارىن لۋپامەن قاراپ، ەرتەلى-كەش كوز تالدىراتىن ازاماتتىڭ ءاۋ باستان العا قويعان ماقساتى بيىك ەدى. ونىڭ نەگىزگىسى - تاعدىرلاستارىنىڭ جولىن اشۋعا سەپتەسۋ، ولارمەن ديدارلاساتىن ورتا قۇرۋ ەدى. ءسويتىپ ول 2017 -جىلى «شالقار ساياسى» مۇگەدەكتەردى قولداۋ ورتالىعى» قوعامدىق بىرلەستىگىن قۇرىپ، وسى اتپەن «دامۋ» قورىنان العان 6 ميلليون تەڭگەگە شاعىن شەبەرحانا اشتى.

جاڭا عيماراتتاعى تۇرمىستىق بۇيىمداردى جوندەۋ، تىگىن سەحى، ماسساج بولمەسى بار. وندا تەك مۇمكىندىگى شەكتەۋلى ازاماتتار جۇمىس ىستەيدى. 7 ادام وسى جەردەن ءناپاقاسىن تاۋىپ وتىر. ال 2018 -جىلى «ارەكەت» جوباسى اياسىندا 500 مىڭ تەڭگە گرانت ۇتىپ الىپ، مۇمكىندىگى شەكتەۋلى جاندارعا ءوز كاسىبىن ۇيرەتەتىن 12 ورىندىق كابينەت اشتى.

قازىر شاكىرتتەرى پلازمالىق، سۇيىق كريستالدى، لەد ەكراندى جاڭا تەلەديدارلاردى جوندەۋدى مەڭگەرىپ ءجۇر. قوسالقى قۇرالى تابىلسا، كەز كەلگەن تەحنيكانى ىسكە قوسادى. ەگەر سايكەس كەلەتىن قوسالقى بولشەكتەرى تابىلماسا، ەلىمىزدىڭ باس قالالارىنان، ت م د ەلدەرىنە تاپسىرىس بەرەدى.


«ەلىمىزدە مۇمكىندىگى شەكتەۋلى جاندار ءۇشىن ءتۇرلى قولداۋ شاراسى قاراستىرىلعان. «Nur Otan« پارتياسىنىڭ الەۋمەتتىك جوبالارى دا ءبىز سەكىلدى ادامداردىڭ ىنتاسىن ارتتىرادى. قوعامعا پايدالى بولۋ ءبىز ءۇشىن ماڭىزدى. ونىڭ ۇستىنە جاقسى تۇرمىس كەشۋگە ءبارىمىز قۇقىلىمىز. مەنىڭ ساناتىمداعىلاردىڭ اراسىندا حاس شەبەرلەر بار. تەك ولاردى تانىپ، ءبىلۋ كەرەك. ءبىز قۇرعان ورتالىق وسىنداي جانداردى قولداۋدى، الەۋمەتتىك قوعامدىق ومىرگە ارالاسۋىن قامتاماسىز ەتۋدى كوزدەيدى»، - دەيدى ول.


ايتا كەتەيىك، Ⅱ توپ مۇگەدەگى ايمانگۇل قوبلاشەۆا وسى بىرلەستىكتىڭ ارقاسىندا ۇيدە ەركىن قولدانۋعا يكەمدەلگەن جايلى ارباعا قول جەتكىزىپتى. «شالقار ساياسى» بىرلەستىگىنىڭ قولداۋىمەن مەيرامبەك ساعىنايەۆتىڭ ۇيىنە اۋىز سۋ قۇبىرى تارتىلدى.

رەسمي دەرەكتەرگە سۇيەنسەك، شالقار اۋدانىندا 892 مۇمكىندىگى شەكتەۋلى جان تۇرادى. ونىڭ 368 ى جەڭىل جۇمىسقا جارامدى.


اۆتور: التىناي ساعىندىقوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات