ا ق ش ەلشىسى كوروناۆيرۋستان قورعانۋ تۋرالى مالىمدەمە جاسادى
«جاقىندا جۇمىس ساپارىمەن كەلگەن ا ق ش مەملەكەتتىك حاتشىسى قازاقستاننىڭ جاڭا كوروناۆيرۋس - COVID-19 عا دايىندىعىن جوعارى باعالادى. ول قازاقستان ۇكىمەتىنىڭ ۆيرۋستىڭ تارالۋىن توقتاتۋ ءۇشىن جەدەل ارەكەت ەتكەنىن اتاپ ءوتتى. سونىمەن بىرگە، مەمحاتشى الەمدەگى كوپتەگەن ەلدەردىڭ كوروناۆيرۋستىق پاندەمياعا دايىن ەمەستىگىن اتاپ ءوتتى، سوندىقتان امەريكا قۇراما شتاتتارى جاھاندىق شارا قابىلداۋعا 100 ميلليون دوللار ءبولۋدى موينىنا الدى. ا ق ش-تىڭ اۋرۋلاردى باقىلاۋ جانە الدىن الۋ ورتالىقتارى (CDC) ىندەتتىڭ الدىن الۋ ءۇشىن جانە ۆيرۋس تابىلعان جاعدايدا ونى ەڭسەرۋ ءۇشىن قازاقستان ۇكىمەتىمەن تىعىز جانە جەمىستى جۇمىس ىستەۋدە»، - دەلىنگەن مالىمدەمەدە.
ا ق ش اۋرۋلاردى باقىلاۋ جانە الدىن الۋ ورتالىقتارىنىڭ ايماقتىق كەڭسەسىنىڭ باسشىسى دوكتور دەنيەل سينگەر قازاقستاننىڭ ءوز ازاماتتارىن ۋحان قالاسىنان ەۆاكۋاتسيالاعان ايماقتاعى العاشقى ەل ەكەنىن اتاپ ءوتتى.
«سونىمەن بىرگە، قازاقستان COVID-19 ۆيرۋسىنىڭ الدىن الۋ جانە ەل اۋماعىنا تاراتپاۋ ءۇشىن اۋقىمدى شارالار قابىلدادى. قىتايمەن شەكاراداعى قوزعالىس ازايتىلدى جانە قالعان قوزعالىستى سوڭعى 25 جىلدا مەن كورگەن ەڭ جەتىلدىرىلگەن جۇيە ارقىلى باقىلاۋدا. قازاقستان ۇكىمەتى COVID-19 انىقتاماسىنىڭ ناقتى كريتەريلەرىن قابىلدادى. ۇكىمەت جاڭا ۆيرۋستىڭ قانشالىقتى قاۋىپتى ەكەنىن بىلەدى جانە وعان قارسى كۇرەسكە دايىندىق ءۇشىن باتىل قادامدار جاسادى. بۇل قادامدار ناعىز كوشباسشىلىقتى كورسەتەدى»، - دەدى دەنيەل سينگەر.
اۆتور: ايجان سەرىكجان قىزى