+7 (701) 759 90 19
23 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

ەۋروپادا كوروناۆيرۋس سالدارىنان العاشقى ادام قايتىس بولدى

16 اقپان 09:30
:ءبولىسۋ
ەۋروپادا كوروناۆيرۋس سالدارىنان العاشقى ادام قايتىس بولدى

پاريج. قازاقپارات - كوروناۆيرۋس جۇقتىرعان قىتايلىق تۋريست فرانسيادا كوز جۇمدى.

بۇل ازيادان تىس جەردەگى جاڭا كوروناۆيرۋستان قايتىس بولعان العاشقى ادام، دەپ حابارلايدى قازاقپارات ۆۆس News قا سىلتەمە جاساپ.

فرانسيانىڭ دەنساۋلىق ساقتاۋ ءمينيسترى انەس بۋزيننىڭ سوزىنە قاراعاندا، قىتايدىڭ حۋبەي پروۆينسياسىنان كەلگەن 80 جاستاعى ايەل كوروناۆيرۋستىڭ قۇربانى بولعان.

بۋزيننىڭ ايتۋىنشا، قىتاي ازاماتشاسى فرانسياعا 16-قاڭتار كۇنى كەلىپ، 25-قاڭتاردا پاريج ەمحانالارىنىڭ بىرىنە كارانتينگە جاتقىزىلعان.

بۇعان دەيىن، كوروناۆيرۋستان قۇرلىقتىق قىتاي شەكاراسىنىڭ سىرتىندا تەك گونكونگ، فيليپپين جانە جاپونيادا ءولىم جاعدايلارى تىركەلگەن ەدى.

دەگەنمەن، قىتايدا ۆيرۋس سالدارىنان 1500 دەن اسا ادام قازا تاپتى. ولاردىڭ كوپشىلىگى جاڭا كوروناۆيرۋس وشاعى - حۋبەي پروۆينتسياسىندا تىركەلدى.

تاعى 2641 ادام كوروناۆيرۋس جۇقتىرىپ، قىتايدا ىندەتكە شالدىققانداردىڭ جالپى سانى 66492 گە جەتتى.

بۇرىنىراق فرانسيا ەلدە رەسمي اتاۋى Covid-19 ۆيرۋسىن جۇقتىرعان 11 ادام تىركەلگەنىن حابارلاعان. مالىمدەمە جاسالعان ساتتە ىندەت جۇقتىرعان التى ادام ەمحانادا قالدى.

بۋزيننىڭ ءسوزى بويىنشا، كوز جۇمعان ايەلدىڭ قىزى دا كوروناۆيرۋس جۇقتىرىپتى، ءبىراق ونىڭ جاعدايى جاقسارىپ كەلە جاتىر.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات