نۇر-سۇلتاندا حالىق ساناعى قالاي جۇرگىزىلەدى
ءبىرىنشى كەزەڭ - دايىندىق كەزەڭى. 2020 -جىلدىڭ 1-30-ماۋسىمى ارالىعىندا ارنايى وقىتىلعان ادامدار تۇرعىن ۇيلەر مەن تۇرعىن ەمەس ءۇي- جايلاردىڭ، قۇرىلىستاردىڭ، سونداي-اق ونداعى تۇراتىن تۇرعىنداردىڭ ناقتى سانىن انىقتاۋ ماقساتىندا ءاربىر ەلدى مەكەندى ارالاپ شىعادى. تۇرعىن ۇيلەردىڭ، عيماراتتاردىڭ جانە تۇرعىن ەمەس ءۇي-جايلاردىڭ مەكەن- جايلارىن ناقتىلاۋ بويىنشا اتقارىلعان جۇمىس ناتيجەلەرى ەلوردا اۋماعىن نۇسقاۋشىلىق جانە ەسەپتىك ۋچاسكەلەرگە ءبولۋ ءۇشىن نەگىز بولادى.
«دايىندىق جۇمىستارىنان كەيىن 2020 -جىلدىڭ 1-30-قازانى ارالىعىندا حالىق ساناعىنىڭ نەگىزگى كەزەڭى وتەدى. ساناق اقپاراتتى جيناۋدىڭ ەكى ءادىسىن پايدالانا وتىرىپ جۇرگىزىلەدى: حالىق ساناعىنىڭ العاشقى 15 كۇنىندە ۇلتتىق ەكونوميكا كوميتەتىنىڭ ينتەرنەت- رەسۋرسىندا ينتەرنەت- ساۋالناما جۇرگىزىلەدى. ينتەرنەت- ساۋالنامادا رەسپوندەنتتەر ساناق پاراقتارىن ءوز بەتىنشە تولتىرادى. ينتەرنەت- ساۋالنامامەن قاتار ينتەرۆيۋەرلەر دە ساۋالناما جۇرگىزەدى»، - دەدى ۇلتتىق ەكونوميكا مينيسترلىگى ستاتيستيكا كوميتەتىنىڭ ستاتيستيكا دەپارتامەنتىنىڭ باسشىسى جورابەك داۋرەنوۆ. بارلىق رەسپوندەنتتەرگە ينتەرۆيۋەرلەر ساناقتان وتكەندىگى تۋرالى انىقتامالار بەرەدى، ال ونلاين- رەجىمدە ساناقتان وتكەندەرگە - سمس- حابارلامالار جىبەرىلەدى.
قالا اكىمى التاي كولگىنوۆ ءاربىر اۋدان اكىمى ساناقتى جۇرگىزۋگە بەلسەندى قاتىسۋى ءتيىس ەكەندىگىن ايتتى.
«ءاربىر باسقارما ءوز سالاسى بويىنشا جۇمىس ىستەۋى ءتيىس. سوڭعى 10 جىلدا قالا حالقى ەكى ەسە ءوستى. ساناقتىڭ ماقساتى سوڭعى 10 جىلدا بولعان دەموگرافيالىق، ەكونوميكالىق جانە الەۋمەتتىك پروتسەستەر تۋرالى اقپارات جيناۋ. حالىق ساناعىن جۇرگىزۋدىڭ ەكى ءادىسى بار. ينتەرنەت ساۋالناما جانە ارنايى وقىتىلعان ادامداردىڭ ساۋالناماسى. تۇرعىندار وزدەرىنە ىڭعايلىسىن تاڭداي الادى»، - دەدى التاي كولگىنوۆ.
