مەملەكەت باسشىسى: قازاقستان - ورتالىق ازيادا ماڭىزعا يە مەملەكەتتەردىڭ ءبىرى
حالىقارالىق قاتىناستار كەڭەسىنىڭ پرەزيدەنتى ريچارد حااس جەتەكشىلىك ەتكەن پىكىرتالاسقا مەملەكەت باسشىسى قاسىم- جومارت توقايەۆ پەن اۋعانستان يسلام رەسپۋبليكاسىنىڭ پرەزيدەنتى مۇحاممەد اشراف عاني قاتىستى.
پىكىرتالاستا ق. توقايەۆ گەوگرافيالىق ورنالاسۋدىڭ ماڭىزى تۋرالى ءسوز قوزعادى.
«قازاقستان جەر كولەمى بويىنشا 9-ورىنداعى مەملەكەت. بۇل، البەتتە، بىزگە كوپتەگەن مۇمكىندىك پەن جول اشادى. رەسەي، قىتايمەن كورشىلەس بولۋدىڭ دا ارتىقشىلىقتارى بار. ورتاق شەكارا تىعىز قارىم-قاتىناس ورناتۋعا مۇمكىندىك بەرەدى. قازاقستان - ورتالىق ازيادا ماڭىزعا يە مەملەكەتتەردىڭ ءبىرى. ورتالىق ازيا دا كۇننەن كۇنگە دامىپ جاتىر. مەنىڭ ويىمشا، بۇل ىلگەرىلەۋ ءالى جالعاسىن تابادى»، - دەدى مەملەكەت باسشىسى.
ريچارد حااستىڭ ەنەرگيا كوزدەرى تۋرالى ساۋالىنا ق ر پرەزيدەنتى: «مەملەكەتىمىز ءتۇرلى ەنەرگيا كوزدەرىنە يە. بۇل دا ءبىر ارتىقشىلىق. ەكونوميكانىڭ دامۋى ءۇشىن جاڭا جوبالار مەن باعدارلامالاردىڭ قاجەت ەكەنىن تۇسىنەمىز»، - دەدى ق. توقايەۆ.
ايتا كەتسەك، ق ر پرەزيدەنتىنىڭ ميۋنحەن كونفەرەنسياسىندا سويلەگەن ءسوزى تىكەلەي ەفيردەن كورسەتىلدى.