قار كۇرەۋگە شاماسى جوق مۇقتاج جاندار بولسا، مەكەنجايىن ايتىڭىزدار، كومەكتەسەمىز - كولگىنوۆ

None
None
نۇر-سۇلتان. قازاقپارات - نۇر-سۇلتان قالاسىنىڭ اكىمى التاي كولگىنوۆ قار تازالاۋ جۇمىسى قالاي ءجۇرىپ جاتقانىن ايتتى، دەپ حابارلايدى قازاقپارات.

شاھار باسشىسىنىڭ Facebook پاراقشاسىنداعى جازباسىنا سەنسەك، قازىر قالاداعى ءاربىر اۋداندا جەكە سەكتوردى قاردان تازارتۋ جۇمىستارى كۇندىز-ءتۇنى ءجۇرىپ جاتىر.

«تۇرعىندار، ۇيىمدار اۋلاسىنداعى قاردى كوشە بويىنا شىعارىپ قويسا، ءبىزدىڭ كوممۋنالدىق شارۋاشىلىق قىزمەت تەحنيكالارى الىپ كەتەدى. قازىر ارداگەرلەردىڭ، قارتتاردىڭ اۋلاسىن تازارتۋعا ۆولونتەرلەر كومەكتەسۋدە. ولارعا العىس ايتامىز. ەگەر قار شىعارۋ بويىنشا كومەككە مۇقتاج ازاماتتار بولسا، ناقتى مەكەنجايىن كورسەتۋلەرىڭىزدى سۇرايمىز»، - دەپ جازدى التاي كولگىنوۆ.

ول بايقوڭىر اۋدانىنداعى ءبىر كوشەدە ءتۇن جارىمىندا اتقارىلىپ جاتقان جۇمىستىڭ سۋرەتى مەن ۆيدەوسىن وقىرمان نازارىنا ۇسىندى.

سوڭعى جاڭالىقتار