+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

يليا يلين شىمكەنتتىك ۋنيۆەرسيتەتتىڭ «قۇرمەتتى پروفەسسورى» اتاندى

15 اقپان 09:57
:ءبولىسۋ
يليا يلين شىمكەنتتىك ۋنيۆەرسيتەتتىڭ «قۇرمەتتى پروفەسسورى» اتاندى

شىمكەنت. قازاقپارات - اۋىر اتلەتيكادان ءتورت دۇركىن الەم چەمپيونى يليا يلين شىمكەنتكە كەلىپ، م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ جاستارىمەن كەزدەستى.

باسقوسۋدا سپورت شەبەرى ءوزىنىڭ سپورتتىق جەتىستىكتەرگە جەتۋ جولىنداعى قاجىرلى ءىس- ارەكەتى مەن ماقساتكەرلىگىن، جىگەرلى ۇمتىلىسى تۋرالى اڭگىمەلەپ بەردى، دەپ حابارلايدى قازاقپارات ءتىلشىسى.

باسقوسۋدا زىلتەمىرشى ومىردە كەزدەسەتىن ءتۇرلى كەدەرگىلەردى جەڭە ءبىلۋ، ۇستامدىلىق پەن پاراساتتىلىق تۋرالى ءوزىنىڭ كوكەيگە تۇيگەن ويلارىمەن ءبولىستى.

«الداعى ۋاقىتتا ءوزىمدى سپورت مەنەدجەرى رەتىندە سىناپ كورسەم دەيمىن. ادام بۇل ومىردە بارىنە دايىن بولۋى كەرەك. ۇيرەنۋدەن جالىقپاڭىزدار» دەگەن ول ستۋدەنتتەردىڭ ساۋالدارىنا دا جاۋاپ بەردى.

جاستاردى اسىرەسە يليا يليننىڭ سپورتتاعى باعىندىرعان بەلەستەرى قىزىقتىردى.

ايتا كەتەيىك، ەرىكتىلەر جىلىنا وراي ۇيىمداستىرىلعان بۇل شارانىڭ ماقساتى جاستاردى سپورتقا، تازالىققا، ەڭبەكقورلىققا باۋلۋ بولدى. سونداي- اق ومىردە جەتىستىگى مول تۇلعالاردىڭ ءومىر جولىن ۇلگى ەتىپ، جاستاردىڭ ومىردە دۇرىس جول تاڭداۋىنا كومەكتەسۋ بولدى.

شارا سوڭىندا يليا يلينگە جوعارى وقۋ ورنىنىڭ «قۇرمەتتى پروفەسسورى» اتاعى بەرىلدى.

ەسكە سالايىق، دوپينگ داۋىنان كەيىن دودالارعا قاتىسا باستاعان ايگىلى سپورتشى جۋىردا عانا وزبەكستاندا اۋىر اتلەتيكادان وتكەن حالىقارالىق چەمپيوناتتا توپ جارعان بولاتىن.




باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات