ءبىز ديپلوماتياعا ءۇمىت ارتۋىمىز كەرەك - ۆولفگانگ يشينگەر

ميۋنحەن. قازاقپارات - ديپلوماتيا ناتيجە بەرۋ ءۇشىن ءبىز ءبىر-بىرىمىزبەن ديالوگ قۇرۋىمىز كەرەك.

بۇل تۋرالى ميۋنحەن قاۋىپسىزدىك كونفەرەنتسياسىنىڭ ءتوراعاسى ۆولفگانگ يشينگەر ءمالىم ەتتى، دەپ حابارلايدى قازاقپارات ءتىلشىسى.

«ءبىز مۇندا ترامپ اكىمشىلىگى وكىلىنىڭ كەلگەنىن ريزاشىلىقپەن اتاپ وتكىم كەلەدى. سونىمەن قاتار، ءبىز وسى كونفەرەنسياعا يراننىڭ دا وكىلدەرىن شاقىرامىز. ەگەر دە ديپلوماتيا ناتيجە بەرگەنىن كورگىمىز كەلسە، ءبىز ءبىر-بىرىمىزبەن ديالوگ قۇرۋىمىز كەرەك. ياعني بۇل تۇرعىدا ءبىر- ءبىرىمىز جايىندا سىرتتاي تالقىلاعاننىڭ قاجەتى جوق دەپ ويلايمىن. اتاپ ايتقاندا، سولتۇستىك كورەيا وكىلدەرى ءبىزدىڭ كونفەرەنسياعا قاتىسۋعا شەشىم قابىلداسا، وندا وسى ەلدىڭ ۇستانىمىن تىڭداۋ ءۇشىن ولاردى دا تىڭداۋعا دايىنبىز. سوندىقتان بۇل ۇستانىم ءبىزدىڭ ماقساتتار مەن مىندەتتەردىڭ ماڭىزدى بولىگى بولۋى ءتيىس دەپ سانايمىن»، - دەدى ۆ. يشينگەر ميۋنحەن قاۋىپسىزدىك كونفەرەنتسياسىنىڭ 56-وتىرىسىندا.

ەسكە سالا كەتەيىك، كونفەرەنتسيا بارىسىندا ۆولفگانگ يشينگەر الەمدىك كوشباسشىلاردى ب ۇ ۇ- نىڭ بەدەلىن نىعايتۋعا بەلسەندى اتسالىسۋعا شاقىردى.

بۇدان بۇرىن حابارلانعانداي، مەملەكەت باسشىسى قاسىم-جومارت توقايەۆ گەرمانياداعى ميۋنحەن قاۋىپسىزدىك كونفەرەنتسياسىنا قاتىسۋدا.

ميۋنحەن قاۋىپسىزدىك كونفەرەنسياسىنىڭ 56-وتىرىسى 2020 -جىلدىڭ 14-16-اقپانى ارالىعىندا وتەدى. اتالعان ءىس- شاراعا 40 قا جۋىق مەملەكەتتىڭ باسشىلارى، 100 دەن استام سىرتقى ىستەر جانە قورعانىس مينيسترلەرى، حالىقارالىق قاتىناستار سالاسىنداعى بەدەلدى ساراپشىلار، ەۋروكوميسسيا وكىلدەرى، سونداي-اق ەۋروپالىق پارلامەنت دەپۋتاتتارى قاتىسۋدا. ايتا كەتەيىك، جىل سايىن فورۋمعا الەمنىڭ 70 ەلىنەن 400-600 ادام قاتىسىپ كەلدى. ولاردىڭ اراسىندا مەملەكەت جانە ۇكىمەت باسشىلارى، اسكەري ءارى ساياسي كوشباسشىلار، مينيسترلەر كابينەتىنىڭ مۇشەلەرى، پارلامەنت دەپۋتاتتارى، عالىمدار، ساياساتتانۋشىلار، ازاماتتىق قوعام وكىلدەرى قامتىلدى.

ايتا كەتەيىك، مەملەكەت باسشىسى قاسىم-جومارت توقايەۆتىڭ ميۋنحەن قالاسىنا (گەرمانيا) جۇمىس ساپارىمەن باراتىنى حابارلانعان ەدى.