قازاق بوكسشىلارى ءبىر- بىرىمەن جۇدىرىقتاسا ما؟

None
None
نۇر-سۇلتان. قازاقپارات - كاسىپقوي بوكستا باق سىناپ جۇرگەن قازاق بوكسشىلارى قانات يسلام مەن جانىبەك ءالىمحان ۇلى ءبىر- بىرىمەن جۇدىرىقتاسۋى مۇمكىن بە؟

بۇل جايىندا بۇقارالىق اقپارات قۇرالدارى جازا باستاعاننان- اق جانكۇيەرلەر پىكىرى ەكى جارىلدى. قازاقستاندىق ەكى بوكسشى دا ءبىر سالماقتا جۇدىرىقتاسادى. WBO تۇجىرىمى بويىنشا چەمپيوندىق اتاققا جاقىنداپ كەلەدى. قانات رەيتينگتە 4-ورىندا بولسا، جانىبەك ءبىر ساتى تومەن تۇر. ەكەۋىندە دە قۇرلىقارالىق بەلبەۋ بار. ال بۇل سالماقتا چەمپيوندىق اتاققا يە امەريكالىق دەمەتريۋس اندرادەمەن جەكپە- جەك وتكىزۋگە ازىرگە ەكەۋىنە دە جول اشىلماي تۇر. بۇل اقپاراتقا قاتىستى جانىبەك ءالىمحان ۇلىنىڭ PR- مەنەدجەرى بەرىك سۇلتان facebook پاراقشاسىنا ءوز پىكىرىن جازدى. ول كەزىندە قانات يسلاممەن دە بىرگە جۇمىس جاساعان مامان.

- 2 كۇن بولدى ادامدار قانات پەن جانىبەك جۇدىرىقتاسۋى مۇمكىن بە دەپ كوپ سۇراپ كەتتى. الەۋمەتتىك جەلىدە جانكۇيەرلەر دە جازىپ سۇراقتىڭ استىنا الىپ جاتىر. نەگە دەسەم، ەلىمىزدەگى اقپاراتتىق سايتتار وسى تۋرالى جاڭالىق شىعارىپتى. ادەتتەگى حايپ شىعار دەپ ويلاپ، جاڭالىعىن وقىپ كوردىم. زەرتتەپ جازىپتى. وسى ماسەلە بويىنشا جانكۇيەرلەرگە ءبىراۋىز پىكىر ءبىلدىرۋىم كەرەك دەپ شەشتىم. جانىبەكتىڭ اعاسى ءارى كوماندا مۇشەسى رەتىندە ەمەس، كاسىپقوي بوكستى تۇسىنەتىن، امەريكاداعى جۇيەسىن بىلەتىن ادام رەتىندە جازايىن. بىردەن ايتايىن، جەكپە- جەكتىڭ بولۋى مۇلدە مۇمكىن ەمەس دەپ ايتا المايمىن. ولاي دەسەم بوكستى شىن تۇسىنەتىندەر كۇلەدى. ءبارى دە مۇمكىن. وزدەرىڭىز بىلەسىزدەر قانات تا جانىبەك تە ءبىر تۇجىرىممەن (wbo) كەلە جاتىر. ءبىرى 4, ءبىرى 5 ورىن. بۇل دەگەنىمىز ەكەۋى دە سول تۇجىرىمنىڭ چەمپيونى بولعىسى كەلەدى دەگەن ءسوز. بۇل تۇسىنىكتى نارسە. ايتپەسە باسقا تۇجىرىمدى كوزدەسە سول جاقتىڭ رەيتينگىندە بولار ەدى. جوق، ەكەۋى دە WBO- دا.


ەكەۋىنىڭ مەنەدجەرى دە پروموۋتەرى دە ەكى بولەك. ءوز بوكسشىسىن چەمپيون قىلعىسى كەلسە، ولار قارسىلاسىنىڭ ۇلتى مەن تىلىنە قارامايدى. ولار دەگەنىم امەريكالىقتار. ال قانات پەن جانىبەك ۇلتقا قاراي ما جوق پا جەمە- جەمگە كەلگەندە كورەمىز. شەشىمدەرى سول كەزدە بەلگىلى بولادى. ازىرگە بولماعان نارسەگە باس قاتىرۋدىڭ، ۋايىمداۋدىڭ كەرەگى جوق دەپ ويلايمىن. ال مەنىڭ جەكە پىكىرىم ەكى قازاقتىڭ ءبىر- بىرىمەن توبەلەسۋىنەن گورى ەكەۋىنىڭ الەمگە تانىمال چەمپيوندارمەن شىققانى ەكەۋىنە دە ءتيىمدى دەپ ەسەپتەيمىن. بىرىنشىدەن اتتارىن الەمگە تانىتادى، ەكىنشىدەن مىقتىنى ۇتساڭ ەكىنشى مىقتىعا ەسىك اشىلادى. بيزنەس تۇرعىسىنان دا ءتيىمدىسى سول، - دەپ جازدى بەرىك سۇلتان. ايتا كەتەيىك، ەكى بوكسشى دا كەلەسى جەكپە- جەكتەرىن ناۋرىز ايىندا وتكىزۋدى جوسپارلاۋدا. ازىرگە ناقتى ۋاقىتى مەن قارسىلاستارى جايلى حابارلاعان جوق. سونداي- اق جەكپە- جەكتەرىن قايدا وتكىزەتىندەرى دە بەلگىسىز.

Massaget.kz

سوڭعى جاڭالىقتار