ق ر پرەزيدەنتى ميۋنحەندە گەرمانيانىڭ ۇزدىك كومپانيالارىنىڭ مۇمكىندىكتەرىمەن تانىستى
كەزدەسۋدە مەملەكەت باسشىسى گەرمانيادا ۇزدىك دەپ تانىلعان اتالعان كومپانيالاردىڭ قىزمەتىمەن تانىستى.
ءوز كەزەگىندە پاتريك ۆيدەمان قازاقستان اۋماعىندا بىرلەسىپ جۇمىس ىستەۋگە قاتىستى ۇسىنىستار پىسىقتالعانىن اتاپ ءوتتى.
ونىڭ پايىمىنشا، تۇرعىنداردىڭ قوقىسقا بايلانىستى تۇسىنىگىن وزگەرتۋ كەرەك. بۇل تۇرعىدا قولدانىستا بولعان ءار زاتتىڭ قايتا وڭدەلۋىنە ەرەكشە نازار اۋدارعان ءجون.
اتاپ ايتقاندا، جاڭا جۇيە اياسىندا قولدانىلعان زاتتاردى جيناستىرىپ، ونى «دەپوزيتكە» تاپسىرادى. ءار تاپسىرىلعان تاۋاردان 25 تسەنت قايتارىلادى. بۇل قادامدار ەۋروپانىڭ بىرنەشە مەملەكەتىنىڭ تاجىريبەسى نەگىزىندە ىسكە اسىرىلۋدا. اتالعان جۇيە 13 جىلدان بەرى پايدالانىلىپ كەلەدى. ماسەلەن، ءاربىر ىدىسقا جەكە كود بەرىلەدى. وسى ارقىلى ءاربىر ءونىمنىڭ بەلگىلەنگەن جەرگە جەتكەنىن ءبىلىپ وتىرۋعا بولادى.
«Reverse Logistics Systems GmbH» كوپانياسى «Atos» كومپانياسىمەن بىرلەسىپ كوپتەگەن ەلدە دەپوزيتتىك- قايتارىم جۇيەسىن (تارومات) ەنگىزۋمەن اينالىسادى. اتالعان جۇيە ەكونوميكانىڭ ەكولوگيازاتسيالانۋىنا جانە قورشاعان ورتانى قورعاۋعا ۇلكەن ۇلەس قوسپاق. بۇل جۇيە گ ف ر، ا ق ش، كانادا، فينليانديا، شۆەتسيا، نيدەرلاند، ليتۆا مەن ەستونيا سياقتى مەمەلكەتتەردە قولدانىسقا ەنگەن.
2006 -جىلى نەگىزى قالانعان كومپانيانىڭ باس عيماراتى ميۋنحەن قالاسىندا ورنالاسقان.
RLG گە قاراستى 30 ەنشىلەس كومپانيا بولسا، الەمنىڭ 80 مەملەكەتىندە ولاردىڭ وكىلدىگى بار. جىلدىق قارجى اينالىمى - 700 ميلليون ەۋرو.
كومپانيا جاڭا، ياعني كەپىلدى- قايتارىم دەپوزيتتىك جۇيەنى قازاقستاندا دا ەنگىزۋدى كوزدەپ وتىر. 2018 -جىلدىڭ جەلتوقسانىندا قازاقستان- گەرمنيا ىسكەرلىك كەڭەسى اياسىندا «KazakhInvest» ا ق جانە اتالعان كومپانيا اراسىندا ارىپتەستىك مەموراندۋمىنا قول قويىلدى. كەلىسىم ورناعان جاعدايدا، 4-5 مىڭ ادامدى جۇمىسپەن قامتيدى دەگەن بولجام بار.