جاپونيانىڭ يادرولىق قالدىقتاردى مۇحيتقا تاستاۋىنا «گرينپيس» ۇيىمى قارسى شىقتى
بۇعان جاپونيانىڭ ەكونوميكا، ساۋدا جانە يندۋستريا مينيسترلىگىنىڭ ۇكىمەتكە جاساعان ەسەبى سەبەپ بولعان. وندا فۋكۋسيما-1 اتوم ەلەكترستانساسى رەاكتورلارىن سالقىنداتۋ ءۇشىن پايدالانىلاتىن ءبىر ميلليون ەكى ءجۇز مىڭ توننا سۋدى مۇحيتقا تاستاۋعا كەڭەس بەرىلدى.
«گرينپيس» جاپونيا ۇكىمەتىنىڭ بارلىق راديواكتيۆتى زاتتار قوقىستا جويىلدى دەگەن مالىمدەمەسىنە سەنبەيتىندەرىن ايتتى. كورەيا مەن جاپونيا عالىمدارىنىڭ پىكىرىنشە، اتوم ەلەكترستانساسىندا پايدالانعان سۋدا، تازارتۋدان كەيىن دە سەزي جانە سترونتسي سياقتى ەلەمەنتتەر بولۋى مۇمكىن.
سونىمەن قاتار «گرينپيس» بەلسەندىلەرىنىڭ ايتۋىنشا مۇحيت رۇقساتسىز فۋكۋسيما قالدىقتارىمەن لاستانىپ جاتىر. بۇل پروبلەمانى ۇكىمەت تە بىلەدى. وندا ءتىپتى بيىل توكيودا وتەتىن وليمپيادادا وڭتۇستىك كورەيا سپورتشىلارىن قاۋىپسىز تاعاممەن قامتاماسىز ەتۋ ماسەلەسى قوزعالدى.
ماري چان، Greenpeace ۇيىمىنىڭ وكىلى:
- ەگەر قالدىقتار تەڭىزگە تۇسسە وندا ول داستارقانىمىزعا تەڭىز ونىمدەرى ارقىلى كەلەدى. سوندىقتان «گرينپيس» كورەيا ۇكىمەتىن حالىقارالىق زاڭدار ارقىلى جاپوندىق جوسپارلاردى توقتاتۋعا شاقىرادى. توكيوداعى وليمپيادانى وتكىزۋ ارقىلى جاپونيا ۇكىمەتى فۋكۋسيما اپاتىنان كەيىن ەلدىڭ جاندانا باستاعانىن كورسەتكىسى كەلەدى، ءبىراق بۇل جالعان اقپارات.
www.24.kz