قىتايداعى ىندەتتىڭ بەتى قايتتى ما: د د س ۇ جاۋابى

None
None
نۇر- سۇلتان. قازاقپارات- سوڭعى اپتادا قىتايدا اۋرۋدى جۇقتىرعانداردىڭ قاتارى وتكەن اپتالارمەن سالىستىرعاندا سايابىرلاعان سەكىلدى دەيدى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس گەبرەيەسۋس، دەپ حابارلايدى «حابار 24».

جەنيەۆادا وتكەن كەزەكتى وتىرىستا ول جاعدايدىڭ ءالى دە بولسا قاۋىپتى ەكەنىن ەسكەرتتى. ءتىپتى ىندەتتىڭ قايتا ءورشىپ كەتۋى دە مۇمكىن ەكەنىن تىلگە تيەك ەتتى.

تەدروس ادانوم گەبرەيەسۋس، د د س ۇ باس ديرەكتورى:

- سوڭعى مالىمەتتەرگە قاراعاندا، جاعداي ءبىرشاما تۇراقتالعان سەكىلدى. الايدا بوساڭسۋعا ءالى ەرتە. كەز كەلگەن ساتتە نەمەسە باعىتتا ۆيرۋس قايتا ءورشىپ كەتۋى مۇمكىن. سوندىقتان ىندەتپەن كۇرەس جالعاسادى.

ال قازىر كومبودجا بىرنەشە كۇن تەڭىزدە بولعان Westerdam لاينەرىن قابىلداۋعا كەلىستى. كەمەدەگى جولاۋشىلاردان Covid-19 ۆيرۋسىن جۇقتىرعاندار تابىلعان جوق. دۇنيەجۇزىلىك دەنساۋلىق ساقتاۋ ۇيىمى كوروناۆيرۋسقا قارسى شىققان العاشقى ۆاكسينا 3-4 ايدان كەيىن سىنامادان وتەدى دەپ بولجام جاسايدى. ماماندار عالىمداردىڭ جۇمىسى ءساتتى وتسە، ۆاكسينا ءبىر جىلدان كەيىن عانا قولجەتىمدى بولادى دەيدى.


سوڭعى جاڭالىقتار