قىتايلىق دارىگەرلەر كوروناۆيرۋسپەن كۇرەسۋدىڭ ءتيىمدى ءادىسىن تاپتى

None
None
نۇر-سۇلتان. قازاقپارات - قىتايلىق دارىگەرلەر 2019-nCov كوروناۆيرۋستى پنيەۆمونيانى ەمدەۋدىڭ ءتيىمدى ءادىسىن ويلاپ تاپتى.

بۇل تۋرالى ق ح ر مەملەكەتتىك مۇلىكتى باقىلاۋ جانە باسقارۋ كوميتەتى حابارلادى.

ناۋقاستار وسى اۋرۋدان ايىعىپ كەلە جاتقان دونورلاردان قان پلازماسىن الا باستادى. بۇل ءادىس وننان استام اۋىر ناۋقاستاردى قۇتقارۋعا مۇمكىندىك بەردى - پروتسەدۋرادان سوڭ 12-24 ساعاتتان كەيىن ولاردىڭ جاعدايى جاقساردى.

كوروناۆيرۋسقا قارسى ءتيىمدى انتيدەنەلەردىڭ كوپ بولىگى قالپىنا كەلتىرىلگەندەردىڭ قانىنان تابىلدى. بيوماتەريال ارنايى پروتسەدۋرادان ءوتىپ، ونىڭ ىشىندەگى ۆيرۋس بەلسەندى بولمايتىنى انىقتالدى.

13- اقپانداعى جاعداي بويىنشا قىتايلىق كوروناۆيرۋس اۋرۋىنىڭ سانى 50 مىڭعا جۋىق بولدى. قايتىس بولعاندار سانى 1310 ادامدى قۇرادى. تاۋلىك ىشىندە حۋبەي پروۆينتسياسىندا 14840 جاڭا اۋرۋ انىقتالدى، 33 مىڭنان استام ناۋقاس اۋرۋحانالاردا بولدى، 3441 ادام شىعارىلدى.

سوڭعى جاڭالىقتار