توڭازىتقىشتا ولگەن ءسابي وقيعاسى: ءۇشىنشى دارىگەر ۇستالدى
«اتىراۋ تەرگەۋ سوتى پەريناتالدىق ورتالىق دارىگەرلەرىنىڭ بىرەۋىن ەكى ايعا قاماۋعا الۋدى سانكسيالادى. سوت مۇنداي سانكسيانى سىبايلاس جەمقورلىققا قارسى ءىس- قيمىل دەپارتامەنتىنىڭ قىزمەتكەرلەرى تەرگەۋ جۇرگىزىپ جاتقان پەريناتالدىق ورتالىقتا جاڭا تۋعان نارەستەنىڭ ولىمىنە قاتىستى قىلمىستىق ءىس اياسىندا شىعاردى. تەرگەۋ نۇسقاسى بويىنشا توڭازىتقىشقا ءتىرى شاقالاقتى سالعان»، - دەپ حابارلادى وبلىستىق سوتتىڭ باسپا ءسوز قىزمەتى.
ۇستالعان گينەكولوگ- دارىگەر قىلمىستىق ءىستىڭ ءۇشىنشى فيگۋرانتى بولدى. بۇعان دەيىن پەريناتالدىق ورتالىقتىڭ باس دارىگەرى مەن گينەكولوگ قاماۋعا الىنعان ەدى.
ەسكە سالا كەتەيىك، 2019 -جىلدىڭ قىركۇيەك ايىنىڭ سوڭىندا اتىراۋ وبلىسىندا پەريناتالدىق ورتالىق باسشىسى مەن دارىگەرى جاڭا تۋعان نارەستەنى توڭازىتقىش كامەراسىنا سالىپ ءولتىردى دەگەن كۇدىككە ىلىنگەن بولاتىن.