+7 (701) 759 90 19
-7 °С : نۇر-سۇلتان
0 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

پرەزيدەنت قاسىم- جومارت توقايەۆ ەۋروپاداعى ءىرى كومپانيانىڭ باسشىسىمەن كەزدەستى

14 اقپان 18:44
:ءبولىسۋ
پرەزيدەنت قاسىم- جومارت توقايەۆ ەۋروپاداعى ءىرى كومپانيانىڭ باسشىسىمەن كەزدەستى

ميۋنحەن. قازاقپارات - ميۋنحەن قالاسىندا قازاقستان پرەزيدەنتى قاسىم- جومارت توقايەۆ «BayWa AG» كومپانياسىنىڭ باسقارما ءتوراعاسى كلاۋس لۋتسپەن كەزدەستى، دەپ حابارلايدى قازاقپارات ءتىلشىسى.

كەزدەسۋ بارىسىندا مەملەكەت باسشىسى ميۋنحەن قاۋىپسىزدىك كونفەرەنسياسىنا قاتىسۋعا ارنايى كەلگەنىن، سونداي- اق ءبىرقاتار كومپانيالار وكىلدەرىمەن كەزدەسۋگە نيەتتى ەكەنىن اتاپ ءوتتى.

ءوز كەزەگىندە كلاۋس لۋتتس ءوزى باسشىلىق ەتىپ وتىرعان كومپانيانىڭ نەگىزگى جۇمىسىمەن تانىستىردى. وسى ورايدا ول قازاقستاندىق بيزنەسپەن تەرەڭ ىنتىماقتاستىق ورناتۋعا مۇددەلى ەكەندىكتەرىن جەتكىزدى.

ايتا كەتەيىك، «BayWa AG» ەۋروپاداعى ەڭ ءىرى كومپانيالاردىڭ ءبىرى بولىپ سانالادى. ونىڭ جۇمىسىنىڭ نەگىزگى باعىتتارى اۋىل شارۋاشىلىعىن، ەنەرگەتيكانى، قۇرىلىس ماتەريالدارىن، يننوۆاتسيالار جانە فەرمەرلىك شارۋاشىلىقتا سيفرلاندىرۋدى قامتيدى.

«BayWa AG» حولدينگى الەمنىڭ 14 ەلىندە قىزمەت ەتۋدە. 1923 -جىلى قۇرىلعان كومپانيانىڭ باس كەڭسەسى ميۋنحەندە ورنالاسقان.

اتاپ ايتقاندا، اۋىل شارۋاشىلىعى سالاسىندا كومپانيا تىڭايتقىشتاردى، وسىمدىكتى قورعاۋ زاتتارىن، تۇقىم جانە جەم- ءشوپ ونىمدەرىن ساۋدالايدى. سونىمەن قاتار اۋىل شارۋاشىلىعى جابدىقتارىن وتكىزەدى. BayWa تانىمال برەندتەر بويىنشا اۋىل شارۋاشىلىعى تەحنيكاسىنىڭ ساۋداسىندا ەكسكليۋزيۆتى قۇقىققا يە.

كومپانيا وسى سالاداعى نىسانداردى جوبالاۋ مەن قۇرىلىسىن جۇرگىزۋ جۇمىستارىن قامتاماسىز ەتۋدە.

ەنەرگەتيكا سالاسىندا كومپانيا مازۋت، ەكو- ەنەرگيا ونىمدەرىن جەتكىزۋمەن اينالىسادى. گەرمانيا مەن اۆستريا اۋماعىندا جانار- جاعارماي قۇيۋ ستانسالارى جەلىلەرىن قۇرعان. جاڭاراتىن ەنەرگيا كوزدەرى سالاسىندا كۇن، جەل جانە گەوتەرمالدى ەنەرگيا جوبالارىن ءوندىرۋشى ءارى باسقارۋشى رەتىندە تانىمال.

ال قۇرىلىس سالاسىندا نىسانداردى سالۋ، جوندەۋ ءارى جاڭارتۋ بويىنشا قىزمەتتەر ۇسىنادى.

2018 -جىلى «BayWa AG» كومپانياسىندا اقشا اينالىمى 16,6 ميلليارد ەۋرونى قۇرادى. الەم بويىنشا 260 ەنشىلەس كومپانيالاردا 17 مىڭعا جۋىق ادام قىزمەت ەتۋدە.

بەلگىلى بولعانداي، كومپانيا اۋىل شارۋاشىلىعى مەن ەنەرگەتيكا ءارى قۇرىلىس سالالارىندا ءوز وكىلدىكتەرىن، سەرۆيس- ورتالىقتارىن اشۋ ارقىلى ورتالىق ازيا ەلدەرىنىڭ نارىعىنا كىرۋگە مۇددەلى بولىپ وتىر. مۇنىمەن قوسا، ولار نازاربايەۆ ۋنيۆەرسيتەت بازاسىندا قازاقستاندا اگرويننوۆاتسيالىق زەرتحانانى قۇرۋ مۇمكىندىگىن پىسىقتاۋدا.

اۆتور: رۋسلان عابباسوۆ


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات