+7 (701) 759 90 19
-7 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

تۇمەن وبلىسىنداعى ەسىل قالاسىندا اباي اتىنداعى قازاق ءتىلىن وقىتاتىن سىنىپ اشىلادى

14 اقپان 16:31
:ءبولىسۋ
تۇمەن وبلىسىنداعى ەسىل قالاسىندا اباي اتىنداعى قازاق ءتىلىن وقىتاتىن سىنىپ اشىلادى

نۇر- سۇلتان. قازاقپارات - قازاقتىڭ ۇلى اقىنى ءارى اعارتۋشىسى ابايدىڭ 175 جىلدىق مەرەيتويىنا وراي 21 - اقپاندا تۇمەن وبلىسىنىڭ ەسىل قالاسىندا قازاق ءتىلىن وقىتاتىن سىنىپ اشىلادى. سىنىپقا اباي ەسىمى بەرىلمەك، دەپ حابارلايدى قازاقپارات ءتىلشىسى.

«رەسەيدە، اسىرەسە تۇمەن وبلىسىندا تۇرىپ جاتقان قازاقتار ءۇشىن اباي شىعارمالارى مەن مۇراسى وتە ماڭىزدى. تۇمەندىك جاستار ۇلكەندەرگە، ەڭبەككە قۇرمەت كورسەتۋ، وتباسى مەن داستۇرگە قامقورلىقپەن قاراۋ باعىتىندا ءتالىم- تاربيە الىپ جاتىر. بۇعان قوسا، ابايدىڭ ۇلى - ءابدىراحماننىڭ 1886-1889 -جىلدارى تۇمەندەگى الەكساندروۆسك ۋچيليشەسىندە ءبىلىم الۋىنىڭ دا بىزدەر ءۇشىن ماڭىزى وتە جوعارى. ول تۇمەنگە 18 جاسىندا كەلگەن. ءتىپتى ابايدىڭ ءوزى دە قالامىزعا، بالاسىنا كەلىپ- كەتۋى مۇمكىن. قازىر مۇراعات ماتەريالدارىن زەردەلەپ جاتىرمىز» ، - دەدى رەسەيدىڭ تۇمەن وبلىستىق قازاقتاردىڭ ۇلتتىق- مادەني اۆتونومياسىنىڭ ءتوراعاسى ەسەنعالي يبرايەۆ.

ونىڭ اتاپ وتۋىنشە، بيىل تۇمەن وبلىستىق قازاقتاردىڭ ۇلتتىق- مادەني اۆتونومياسى وتكىزەتىن بارلىق ءىرى شارالار ابايدىڭ 175 جىلدىق مەرەيتويىنا ارنالاتىن بولادى.

«تۇمەن وبلىسىندا ابايدىڭ 175 جىلدىق مەرەيتويى اياسىندا قازاق مادەني كۇندەرى، تۇمەن وبلىسى قازاقتارىنىڭ قۇرىلتايى، قازاق شىعارماشىلىعىنا ارنالعان «جاس ۇرپاق» Ⅱوبلىستىق بالالار فەستيۆال- كونكۋرسى وتكىزىلەدى. سونىمەن قاتار ۇلى اقىننىڭ شىعارمالارى مەن مۇراسىن ناسيحاتتاۋعا ارنالعان «اباي وقۋلارى» ۇيىمداستىرىلادى. ال 2020 -جىلدىڭ 21 - اقپانىندا، حالىقارالىق انا ءتىلى كۇنىندە ابايدىڭ 175 جىلدىق مەرەيتويىنىڭ قۇرمەتىنە وراي تۇمەن وبلىسىنىڭ ەسىل قالاسىندا قازاق ءتىلىن وقىتاتىن سىنىپ اشۋدى جوسپارلاپ وتىرمىز. سىنىپ قازاقتىڭ ۇلى اقىنى ءارى اعارتۋشىسى اباي ەسىمىمەن اتالاتىن بولادى» ، - دەدى ە. يبرايەۆ.

ول تۇمەن وبلىستىق قازاقتاردىڭ ۇلتتىق- مادەني اۆتونومياسى وڭىردە بۇعان دەيىن دە وقۋشىلار مەن جاستارعا انا تىلدەرىن وقىتاتىن سىنىپتاردى ۇيىمداستىرعاندىعىن ايتتى.

«بۇل تۇمەن وبلىسىندا اشىلعان ءتورتىنشى سىنىپ بولماق. سىنىپتار تۇمەن وبلىستىق قازاقتاردىڭ ۇلتتىق- مادەني اۆتونومياسى باستاماسىمەن جانە تۇمەن وبلىستىق ۇكىمەتىنىڭ، جەرگىلىكتى اتقارۋشى ورگانداردىڭ قولداۋىمەن قۇرىلىپ جاتىر. الداعى مىندەت - بالالاردى انا تىلدەرىندە سويلەۋگە جانە جازۋعا عانا ۇيرەتىپ قويماي، تۋعان حالقىنىڭ، ونىڭ ۇلى تۇلعالارىنىڭ تاريحىمەن تانىستىرۋ» ، - دەدى ە. يبرايەۆ.


باستى سوزدەر: ابايدىڭ 175 جىلدىعى,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات