+7 (701) 759 90 19
1
USD 443.50 EUR 479.47
RUB 5.79 CNY 62.51
جاڭالىقتار

بەردىبەك ساپاربايەۆ جاۋاپتى تۇلعالارعا العاشقى تاپسىرمالارىن جۇكتەدى

14 اقپان 16:04
:ءبولىسۋ
بەردىبەك ساپاربايەۆ جاۋاپتى تۇلعالارعا العاشقى تاپسىرمالارىن جۇكتەدى

تاراز. قازاقپارات - جامبىل وبلىسىنىڭ اكىمى بەردىبەك ساپاربايەۆ ءبىرىنشى اپپارات كەڭەسىن وتكىزدى. بۇل تۋرالى قازاقپارات اكىمدىكتىڭ سايتىنا سىلتەمە جاساپ حابارلايدى.

«ەڭ باستى تالاپ - مەملەكەت باسشىسىنىڭ تاپسىرمالارىن ساپالى جانە ۋاقىتىلى ورىنداۋ. وتكەن جىلدىڭ قورىتىندىسى بويىنشا وبلىس جاقسى الەۋمەتتىك- ەكونوميكالىق كورسەتكىشتەرگە قول جەتكىزدى. وسى قارقىندى تومەندەتپەۋ كەرەك» ، - دەپ اتاپ ءوتتى ءوڭىر باسشىسى

وبلىستىڭ الەۋەتى ايتارلىقتاي جوعارى، الايدا اعىمداعى جىلدىڭ ءبىرىنشى ايىندا ونەركاسىپ، قايتا وڭدەۋ، ينۆەستيتسيا تارتۋ سياقتى سالالاردا تومەندەۋگە جول بەرىلگەن. يگەرىلگەن قاراجاتتىڭ كولەمى بويىنشا ايتارلىقتاي ارتتا قالۋى بايقالعان. وسى باعىتتا بيۋدجەتتىك باعدارلامالاردىڭ ورىندالۋ بويىنشا جۇمىستاردى كۇشەيتۋ قاجەت. ايماق باسشىسى ءبىرىنشى توقساننىڭ قورىتىندىسى وتكەن جىلدىڭ ناتيجەسىنەن كەم بولماۋى ءتيىس ەكەنىن باسا ايتتى.

جۇمىسسىزدىق دەڭگەيى-4,8 پايىزدى قۇراسا، ول رەسپۋبليكالىق ورتاشا ءماننىڭ دەڭگەيىندە. ءبىراق بۇل رەتتە وبلىستا ءوزىن- ءوزى جۇمىسپەن قامتىعانداردىڭ سانى ءالى دە كوپ. سوندىقتان «قازفوسفات» ج ش س جانە «ەۆروحيم» سياقتى جەرگىلىكتى ونەركاسىپتىڭ الىپتارىمەن تىعىز جۇمىس ىستەۋ، وڭىرگە ءىرى وتاندىق جانە شەتەلدىك ينۆەستورلاردى تارتۋ قاجەت.

وبلىس اۋماعى ارقىلى ءۇش ءىرى گاز قۇبىرى وتەدى دەسەك، بۇل وڭىردەگى ەلدى مەكەندەردى گازداندارۋدا زور مۇمكىندىك بەرەدى. جيىندى وسى جايتقا نازار اۋدارا كەلە، وبلىس اكىمى امانگەلدى گاز كەن ورنىنىڭ دا قارقىندىلىعىن ارتتىرۋ ءۇشىن سالالىق مينيسترلىكتىڭ كومەگىمەن اۋقىمدى گەولوگيالىق بارلاۋ جۇمىستارىن جۇرگىزۋ قاجەتتىگىن جەتكىزدى.

جامبىل ءوڭىرى اگرارلىق ايماق بولىپ تابىلادى. سوندىقتان اۋىل شارۋاشىلىعىن ىلگەرىلەتۋ وبلىستىڭ جالپى دامۋىنا ىقپال ەتەرى ءسوزسىز. قازىر سۋارمالى جەرلەردىڭ كولەمىن ۇلعايتۋ بويىنشا مەملەكەتتىك قولداۋ از ەمەس، سونى كەڭىنەن پايدالانۋ جانە ولاردى پايدالانۋ تيىمدىلىگىن ارتتىرۋ قاجەت.

باسقوسۋ بارىسىندا ەگىستىكتەردى ءارتاراپتاندىرۋ، رەنتابەلدى داقىلدارعا، مايلى داقىلدارعا كوبىرەك كوڭىل ءبولۋ، جەرگىلىكتى قانت زاۋىتتارىن ودان ءارى جۇكتەمەسىن ارتتىرۋ ءۇشىن قانت قىزىلشاسىنىڭ كولەمىن ۇلعايتۋ ماڭىزدىلىعى دا ايتىلدى. كۇن تارتىبىندە كوتەرىلگەن ماسەلەلەردىڭ ءبىرى - كوكتەمگى ەگىس جۇمىستارىنا دايىندىق، اۋىل شارۋاشىلىعى تەحنيكاسىن ۋاقىتىندا دايىنداۋ، جوعارى ساپالى تۇقىم ساتىپ الۋ جانە وتىرعىزۋ بولدى.

بەردىبەك ساپاربايەۆ اۋىل تۇرعىندارىنىڭ تۇرمىستىق تابىسىن ارتتىرۋ پيلوتتىق جوباسىنىڭ مىندەتتى تۇردە ءوز جالعاسىن تاباتىندىعىن، ول باستاپقى قارقىنىنىڭ تومەندەمەۋىن باسا ايتىپە، جاۋاپتىلارعا ناقتى تاپسىرمالار جۇكتەدى.

«اۋىل تۇرعىندارى جىل بويى جۇمىسپەن قامتىلىپ، ەگىن شارۋاشىلىعىمەن دە، مال شارۋاشىلىعىمەن دە اينالىسۋى كەرەك. بۇل ورايدا پيلوتتىق جوباعا بولىنگەن 7,2 ميلليارد تەڭگە تولىق كولەمدە يگەرىلۋى ءتيىس. ءبىز جوبانىڭ ومىرشەڭدىگىن كورسەتۋىمىز كەرەك، بۇل الداعى ۋاقىتتا قارجىلاندىرۋ كولەمىن ۇلعايتۋعا جانە كوپ ادامداردىڭ ماتەريالدىق جاعدايىن جاقسارتۋعا مۇمكىندىك بەرەدى» ، - دەپ اتاپ ءوتتى وبلىس باسشىسى.

ايتا كەتۋ كەرەك، جامبىل ءوڭىرى ءوز- ءوزىن كوكونىستەر مەن جەمىستەرمەن، اسىرەسە ماۋسىمارالىق كەزەڭدە تولىعىمەن قامتاماسىز ەتۋ ءۇشىن الەۋەتى جەتەدى. بۇل ورايدا كوتەرمە- تاراتۋ ورتالىقتارى جاقسى جۇمىس ىستەيتىن قاراعاندى وبلىسىنىڭ تاجىريبەسىنە سۇيەنە ءبىلۋ كەرەكتىگى نازار اۋدارىلدى.

حالىقارالىق اۋەجايعا يە بولا وتىرىپ، تەك ىشكى قازاقستاندىق باعىتتار بويىنشا عانا ەمەس، ەلارالىق اۋە قاتىناستارىنىڭ سانىن بىرنەشە ەسە ۇلعايتۋ قاجەت.

سونداي- اق، الەۋمەتتىك- مادەني نىسانداردىڭ قۇرىلىسى ءتيىستى دەڭگەيدە جۇرگىزىلۋدە دەسەك، بۇل ءۇردىس ءوز دەڭگەيىندە جالعاستىرىلماق. ءبىلىم بەرۋ سالاسىندا اپاتتى جانە ءۇش اۋىسىمدى مەكتەپتەردى جويۋ ءۇشىن 17 مەكتەپ اشۋ قاجەت.

سونىمەن قاتار، تاۋار اينالىمىن ۇلعايتۋ ءۇشىن وبلىستىڭ ترانزيتتىك الەۋەتىن كەڭىنەن پايدالانعان ءجون، بالامالى ەنەرگەتيكا سالاسىندا التى ستانتسيانىڭ قۇرىلىسىن اياقتاۋ جانە كەس، جەس- تەردەن الىناتىن ەلەكتر ەنەرگياسىنىڭ جيىنتىق قۋاتىن 400 م ۆ ت- قا دەيىن جەتكىزۋ كوزدەلۋدە.

جيىندا جامبىلدىقتاردىڭ تابىس دەڭگەيىن ارتتىرۋ، سالىق سالۋ بازاسىن ۇلعايتۋ، مىندەتتى مەديتسينالىق ساقتاندىرۋ جۇيەسىن ەنگىزۋ، جالاقى بويىنشا بەرەشەكتەردى جويۋ، مەديتسينالىق قىزمەت ساپاسىن ارتتىرۋ، دەنساۋلىق ساقتاۋداعى بيۋروكراتيا دەڭگەيىن تومەندەتۋ، جاستاردى رۋحاني- ادامگەرشىلىك تاربيەلەۋ، اتا- انالار مەن مەكتەپ اراسىنداعى بايلانىستى نىعايتۋ سياقتى وزەكتى ماسەلەلەر دە جان- جاقتى كوتەرىلىپ، سارالاندى.

كەڭەستى قورىتىندىلاي كەلە، بەردىبەك ساپاربايەۆ جاۋاپتى مەملەكەتتىك ورگاندار قورداي اۋدانىندا بولعان وقيعالاردان قورىتىندى شىعارۋ كەرەكتىگىن اتاپ ءوتتى.

«بۇل جاعداي بىزگە ساباق بولۋ كەرەك. وسى سەكىلدى قايعىلى وقيعالار الداعى ۋاقىتتا قايتالانباس ءۇشىن ءتيىستى شەشىم شىعارا ءبىلۋىمىز قاجەت. مەملەكەتتىك ورگاندار، جۇرتشىلىق پەن ينتەلليگەنتسيا ءوز كۇش- جىگەرىن بىرىكتىرىپ، قوعامداعى بىرلىك پەن كەلىسىمدى ساقتاۋ بويىنشا جۇمىس جۇرگىزۋى ءتيىس» ، - دەپ تۇيىندەدى ول.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات