ترامپتىڭ جازبالارى جۇمىسىمىزعا كەدەرگى – ا ق ش باس پروكۋرورى

None
None
ۆاشينگتون. قازاقپارات – ا ق ش- تىڭ باس پروكۋرورى جانە ادىلەت ءمينيسترى ۋيليام بارر پرەزيدەنت دونالد ترامپتىڭ Twitter- دەگى جازبالارى ادىلەت مينيسترلىگىنىڭ جۇمىسىنا كەدەرگى كەلتىرەتىنىن مالىمدەدى، دەپ حابارلايدى قازاقپارات ا ۆ س News تەلەارناسىنا سىلتەمە جاساپ.

ول پرەزيدەنتتەن قىلمىستىق ىستەر تۋرالى تۆيت جازىپ، سول ىستەرگە بايلانىستى رەسمي مالىمدەمە جاساۋدى دوعارۋىن سۇرادى.

باس پروكۋروردىڭ ايتۋىنشا، د. ترامپتىڭ پرەزيدەنتتىڭ بۇرىنعى كەڭەسشىسى رودجەر ستوۋننىڭ ىسىنە قاتىستى جازبالارى مينيسترلىك جۇمىسىن قيىنداتۋدا.

«ترامپ جەكە وزىمە بۇل ءىس بويىنشا ەشتەڭە ايتپادى. ال ونىڭ مينيسترلىك، ۆەدومستۆو قىزمەتكەرلەرى، سۋديالار تۋرالى جازبالارى بىزگە كەدەرگى جاسايدى. قىلمىستىق ىستەر تۋرالى تۆيت جازۋدى دوعاراتىن ۋاقىت كەلدى. سەبەبى بۇل مىندەت ادىلەت مينيسترلىگىنىڭ قۇزىرىندا» ، - دەدى مينيستر.

ايتا كەتۋ كەرەك، ا ق ش باسشىسى قاڭتار ايىندا Twitter- گە ءبىر كۇندە جاريالاعان جازبالاردىڭ سانى بويىنشا ءوز رەكوردىن جاڭارتقان بولاتىن.

سوڭعى جاڭالىقتار