الماتىداعى اقىن- جازۋشىلارعا اكىمدىك گرانت بەرمەك
ونىڭ ايتۋىنشا، ءال- فارابيدىڭ 1150 جىلدىعى مەن ابايدىڭ 175 جىلدىق مەرەيتويلارىنا وراي كوپتەگەن شارالار ءوتىپ، الماتى قالاسىنىڭ اكىمدىگى تاراپىنان اقىن، جازۋشىلارعا قولداۋ كورسەتىلمەك.
«بىلتىر جازۋشىلار وداعىنىڭ 85 جىلدىق مەرەيتويى جوعارى دەڭگەيدە ءوتتى. جەرگىلىكتى بيۋدجەت ەسەبىنەن 250 ميلليون تەڭگە قاراجات ءبولىنىپ، جازۋشىلار وداعىنىڭ عيماراتىنا جوندەۋ جۇمىستارى جۇرگىزىلۋدە. الماتى قالاسىندا تۇراتىن 150 اقىن- جازۋشى 500 مىڭ تەڭگەلىك اقشالاي گرانت سەرتيفيكاتتارىمەن ماراپاتتالعان بولاتىن. بۇگىنگى تاڭدا قازاقستان بويىنشا جازۋشىلار وداعىنىڭ 820 مۇشەسى بولسا، ونىڭ 360 ى وسى الماتى قالاسىندا تۇرادى ەكەن. بيىل ءبىز ءار توقسان سايىن 90 اقىن- جازۋشىعا گرانت تاپسىراتىن بولامىز. بۇل ءتىزىمدى بىزگە جازۋشىلار وداعىنىڭ ءوزى ۇسىنىپ وتىرادى. بۇل ماسەلە قازىر بيۋدجەتتە ناقتىلانىپ جاتىر» ، - دەدى باقىتجان ساعىنتايەۆ.
ايتا كەتۋ كەرەك، بىلتىر جاڭا جىل قارساڭىندا الماتى اكىمى قالاداعى 60 اقىن جازۋشىعا سالتاناتتى تۇردە ارنايى گرانت تابىستاعان بولاتىن.