+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

اسقار مامين كاتار دەلەگاتسياسىمەن كەزدەستى

14 اقپان 14:36
:ءبولىسۋ
اسقار مامين كاتار دەلەگاتسياسىمەن كەزدەستى

نۇر-سۇلتان. قازاقپارات – ق ر پرەمەر-ءمينيسترى اسقار مامين كاتار مەملەكەتىنىڭ ساۋدا جانە يندۋستريا ءمينيسترى الي بەن احمەد ءال-كاۋاري باستاعان دەلەگاتسيانى قابىلدادى.

بۇل تۋرالى قازاقپارات primeminister.kz سىلتەمە جاساپ حابارلايدى.

الي بەن احمەد ءال-كاۋاري قازاقستان ۇكىمەتىنىڭ باسشىسىن جوعارى دەڭگەيدەگى V قازاقستان- كاتار بىرلەسكەن كوميسسياسىنىڭ ساراپشىلىق توبى وتىرىسىنىڭ قورىتىندىلارى تۋرالى حاباردار ەتتى.

ۇكىمەت باسشىسى ساۋدا- ەكونوميكالىق، ينۆەستيتسيالىق، قارجى-بانك، اۋىل شارۋاشىلىعى جانە باسقا دا سالالارداعى ىنتىماقتاستىقتى دامىتۋعا ەلەۋلى الەۋەتتىڭ بار ەكەنىن اتاپ ءوتتى.

ەلدەردىڭ اراسىندا ۆيزاسىز رەجيم ورناتىلعان، جاقىندا نۇر-سۇلتان مەن دوحا اراسىندا تىكەلەي رەيستەردى ىسكە قوسۋ جوسپارلانعان. ودان كەيىن استانالار اراسىندا عانا ەمەس، سونداي- اق الماتى مەن دوحا اراسىندا اپتاسىنا 7 رەت ءجيى رەيستەر ورىندالا باستايدى.

تاراپتار بيىل ناۋرىز ايىندا قازاقستانعا كاتار شەيحى ءامىر تاميم بەن حاماد ءال-تانيدىڭ كەلۋىن، سونداي-اق ساۋدا- ەكونوميكالىق، ينۆەستيتسيالىق جانە قارجى- بانك سالالارىنداعى ءوزارا ءىس- قيمىل پەرسپەكتيۆالارىن تالقىلادى.

كەزدەسۋگە ق ر ۇلتتىق ەكونوميكا ءمينيسترى ر. دالەنوۆ، كاتار مەملەكەتىندەگى ق ر توتەنشە جانە وكىلەتتى ەلشىسى ا. شوقىبايەۆ قاتىستى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات