ەلوردادان شىعاتىن بارلىق باعىتتاعى تاس جول جابىلدى

نۇر-سۇلتان. قازاقپارات - اۋا رايىنىڭ كۇرت قۇبىلۋىنا بايلانىستى ەلوردالىق توتەنشە جاعدايلار دەپارتامەنتى نۇر-سۇلتان -قابانباي باتىر باعىتىنان باسقا بارلىق تاس جولداردىڭ جابىلعاندىعىن مالىمدەدى.

توتەنشە جاعدايلار دەپارتامەنتى ەلوردا تۇرعىندارى مەن قوناقتارىنا قالا سىرتىنا ساپار جاساماۋدى، جول ەرەجەسىن ساقتاپ، اۋا رايىنىڭ وزگەرۋى مەن ەنگىزىلگەن شەكتەۋلەر تۋرالى اقپاراتتى قاداعالاۋدى ۇسىنادى.

قازگيدرومەت دەرەكتەرى بويىنشا، 14- اقپان كۇنى ەلوردادا اۋا رايى قۇبىلمالى، كۇننىڭ ەكىنشى جارتىسىندا قار جاۋۋى ىقتيمال. جەل وڭتۇستىك-باتىستان 9-14 م/س جىلدامدىقتا ۇيىتقيدى.

كولىكتەن اقاۋ شىعىپ نەمەسە جولدىڭ كورىنۋى ناشارلاعاندا تاس جولدىڭ جيەگىندە توقتاپ، دابىل بەلگىسىن بەرۋ كەرەك جانە كاپوتتى كوتەرىپ، انتەنناعا كوزگە تۇسەتىن اشىق ءتۇستى ماتانى ىلگەننەن سوڭ، اۆتوكولىكتىڭ ىشىندە وتىرىپ كومەكتى كۇتۋى قاجەت.

توتەنشە جاعداي تۋىنداعان كەزدە 112 تەلەفونىنا قوڭىراۋ شالۋ كەرەكتىگىن ايتا كەتكەن ءجون.