بەيتانىس ارۋمەن تۇسكەن سۋرەتىن جاريالاعان ديماش ەلدى قىزىقتىرىپ قويدى

نۇر-سۇلتان. قازاقپارات - عاجايىپ داۋسىمەن قازاق اتىن كۇللى الەمگە پاش ەتىپ جۇرگەن ونەر يەسى ديماش قۇدايبەرگەن جانكۇيەرلەرىن تاعى دا تاڭعالدىردى.

ەسترادا جۇلدىزى Instagram پاراقشاسىنا بەيتانىس ارۋمەن تۇسكەن سۋرەتىن جۇكتەپ، وقىرماندارىن قىزىقتىرىپ قويدى. ادەتتە، تەك ءبىر ءوزىنىڭ فوتوسىن جاريالايتىن ءانشى بۇل جولى قىزۋ تالقىعا ءتۇستى.

ديماش قۇدايبەرگەن ءوزىنىڭ جاڭا فوتوسىمەن جانكۇيەرلەرىن ويلاندىرىپ قويدى.

قازاقستاندىق تۋما تالانت كورىكتى بويجەتكەنمەن سۋرەتكە تۇسكەنى ءۇشىن جەلىدە قىزۋ تالقىعا قالدى.

«قانداي تاتتىسىڭدەر»، «قىزدارمەن فوتو كوبەيە باستادى»، «ادەمى قىز ەكەن»، «ساعان كىم بولىپ كەلەدى؟»، «وسى قىزدى كەلىندىككە الۋ كەرەك سياقتى»، «ەكەۋى دە ادەمى، ەكەۋى دە سونداي تالانتتى»، «حالىقتى ونەرلەرىڭمەن ءتانتى ەتۋدى جالعاستىرا بەرىڭدەر»، «بۇل قىز كىم؟»، «ارۋلاردىڭ فوتوسى جيىلەپ كەتتى»، - دەپ جازۋدا جەلى قولدانۋشىلارى.

وقىرماندار ءانشىنى بىردەن سۇراق استىنا الىپ، بەيتانىس ارۋدىڭ كىم ەكەنىن انىقتاۋعا كىرىسكەن.

الايدا ديماش جانكۇيەرلەر قامىن ويلاستىرىپ قويعان بولىپ شىقتى. ول فوتو انىقتاماسىنا سىلقىمنىڭ وزىنە دوس بولىپ كەلەتىنىن جازىپ قويعان. ونىڭ ۇستىنە بويجەتكەن ماريا مۋدرياك ەسىمدى وپەرا ءانشىسى ەكەنى انىقتالدى.

ديماشتىڭ ايتۋىنشا، ەكەۋى وتە جاقسى دوس ەكەن.