د د س ۇ ەۋروپالىق وڭىرلىك بيۋروسىنىڭ ديرەكتورى قازاقستانداعى مەديتسينا نىساندارىن ارالادى
بۇل تۋرالى ق ر دەنساۋلىق ساقتاۋ مينيسترلىگىنىڭ Facebook پاراقشاسىنان ءمالىم بولدى، دەپ حابارلايدى قازاقپارات.
كليۋگە ەمحانانىڭ مەديتسينالىق- سانيتارلىق العاشقى كومەك كورسەتۋ (م س ا ك) اياسىنداعى قىزمەتىمەن تانىستى. ەمحانا ديرەكتورى ساۋلە سماعۇلوۆا العاشقى مەديتسينالىق- الەۋمەتتىك كومەكتىڭ مودەلىن جانە قالپىنا كەلتىرۋ ەمى مەن وڭالتۋ بولىمشەسىنىڭ اشىلعانىن ايتتى. ەمحانانىڭ باستى مىندەتى - تەگىن مەديتسينالىق كومەكتىڭ كەپىلدىك بەرىلگەن كولەمى مەن مىندەتتى الەۋمەتتىك مەديتسينالىق ساقتاندىرۋ اياسىندا تىركەلگەن حالىققا ساپالى مەديتسينالىق كومەك كورسەتۋ.
پاتسيەنتتەرگە ىڭعايلى بولۋ ءۇشىن ەمحانا زالىندا اقپارات بۇرىشى ورناتىلعان، وندا دارىگەرلەردىڭ قابىلداۋ كەستەسى، ەمحاناعا تىركەلۋ تۋرالى، ساقتاندىرۋ مارتەبەسى جايلى بىلۋگە، سونداي-اق ەمحانانىڭ جۇمىسىنا قاتىستى پىكىر قالدىرۋعا بولادى.
مەديتسينالىق- الەۋمەتتىك تەرەزەنىڭ قىزمەتكەرلەرى ومىرلىك قيىن جاعدايعا تاپ بولعان پاتسيەنتتەرگە كونسۋلتاتسيالىق كومەك كورسەتەدى. پاتسيەنتتەرمەن تۇراقتى بايلانىس ورناتىلعان. ەمحاناعا كوپبالالى وتباسىلار، مۇگەدەك بالالار كەلگەن كەزدە الەۋمەتتىك قىزمەتكەرلەر ولاردى دارىگەردىڭ قابىلداۋىنا، زەرتحانالىق جانە دياگنوستيكالىق تەكسەرۋدەن وتۋگە الىپ كەلەدى.
حانس كليۋگە حالىق اراسىندا ۆاكتسيناتسيالاۋ قالاي ءجۇرىپ جاتقانىن سۇرادى. ساۋلە سماعۇلوۆا پروفيلاكتيكالىق ەگۋلەر ۇلتتىق ەگۋ كۇنتىزبەسىنە جانە الدىڭعى ەگۋ انامنەزىنە سايكەس جۇرگىزىلەتىنىن اتاپ ءوتتى. ورتاشا العاندا ەمحانادا كۇنىنە 30-35 ۆاكسيناتسيا سالىنادى.
سونداي-اق، د د س ۇ وكىلدەرى ەمحاناداعى دەنساۋلىق ساقتاۋ مينيسترلىگىنىڭ جوبالىق وفيسىنە باردى.
جوبالىق وفيستىڭ باستى ماقساتى – ق ر پرەمەر- ءمينيسترىنىڭ وكىمىمەن بەكىتىلگەن م س ا ك دامىتۋ جونىندەگى ءىس-شارالار جوسپارىن ىسكە اسىرۋ. م س ا ك دارىگەرىنە جۇكتەمەنى تومەندەتۋ، اۋىلدىق جەرلەردەگى كادر تاپشىلىعىن جويۋ جانە ت. ب. مىندەتتەر قويىلدى.
كەزدەسۋ قورىتىندىسى بويىنشا حانس كليۋگە ەمحانادا الەۋمەتتىك جانە مەديتسينالىق سيپاتتاعى قىزمەتتەردىڭ تولىق كەشەنى ۇسىنىلاتىنىن اتاپ ءوتتى. ول ەمحانا قىزمەتىن جوعارى باعالاپ، 2018 -جىلى قابىلدانعان م س ا ك بويىنشا استانا دەكلاراتسياسىنا سايكەس كەلەتىنىن ايتتى. بۇل قۇجاتتىڭ نەگىزگى قاعيداتى - مەديتسينالىق- سانيتارلىق العاشقى كومەكتى دامىتۋ جانە قولجەتىمدى ەتۋ.
حانس كليۋگە دارىگەرلەرمەن جانە مەدبيكەلەرمەن جۇرگىزىلگەن جۇمىس تۋرالى جەكە اڭگىمەلەسىپ، بالانى دامىتۋ كابينەتىندەگى مەدبيكەنىڭ قولىن الىپ، د د س ۇ 2020 -جىلدى مەدبيكەلەر مەن اكۋشەرلەر جىلى دەپ جاريالاعانىن ەسكە سالىپ، قۇتتىقتادى.
كەزدەسۋ سوڭىندا ول مەديتسينا قىزمەتكەرلەرىنىڭ ادال ەڭبەگىنە العىس ايتىپ، تابىس تىلەدى.
«ەمحانانىڭ جاقسى جابدىقتالعانى ەمەس، مەديتسينالىق قىزمەتكەرلەردىڭ ادامدارعا دەگەن قارىم- قاتىناسى ماڭىزدى»، - دەدى ول.
