داۋرەن ابايەۆ قوردايداعى وقيعا جايلى: وقيعانىڭ سەبەپتەرى تەرەڭدە جاتۋى مۇمكىن
«ىشكى ىستەر مينيسترلىگى وقيعانىڭ حرونولوگياسىن جاسادى. ونىڭ سەبەبى - تۇرمىستىق سيپاتقا يە ەكەنى انىقتالدى. ولار مامىلەگە كەلگەن. الايدا مەسسەندجەرلەردە زورلىق-زومبىلىققا شاقىرعان، ەموتسياعا تولى پىكىرمەن سۇيەمەلدەنگەن ۆيدەونىڭ كەسىرىنەن سىرتتان كىسىلەر ىسكە ارالاسىپ كەتكەن. دەسە دە بۇنى كەزدەيسوق قاقتىعىس دەپ ايتۋعا تاعى كەلمەيدى. بالكىم، ونىڭ سەبەپتەرى تەرەڭدە جاتۋى دا مۇمكىن. مىنە، سول ءۇشىن قاتاڭ كادرلىق شەشىمدەر قابىلداندى. وبلىستا اكىم عانا ەمەس، كۇش قۇرىلىمدارىنىڭ باسشىلارى دا اۋىستى. ءىستىڭ بارلىق ءمان-جايىن قازىر ارنايى قۇرىلعان كوميسسيا انىقتاپ جاتىر»، - دەدى داۋرەن ابايەۆ «اشىق ديالوگ» باعدارلاماسىندا.
مينيستر ءوز سوزىندە ادامداردىڭ ءولىمىن، زورلىق-زومبىلىقتى ەشتەڭە اقتاي المايتىنىن جەتكىزدى.
«بيلىك كىنالىلەردى قازاق نەمەسە دۇنگەن دەپ بولمەيدى. ولاردىڭ ءبارى دە - قازاقستان رەسپۋبليكاسىنىڭ ازاماتتارى. زاڭ الدىندا ولار تەڭ جاۋاپ بەرەدى»، - دەدى ول.