08:46, 14 - اقپان 2020 | GMT +6
وسكەمەندە «اباي الەمىن اشۋ» كىتابىنىڭ تۇساۋكەسەرى ءوتتى
وسكەمەن. قازاقپارات - شىعىس قازاقستان وبلىستىق ونەر مۋزەيىندە «اباي الەمىن اشۋ» كىتابىنىڭ تۇساۋكەسەرى ءوتتى، دەپ حابارلايدى قازاقپارات.
ابايدىڭ 175 جىلدىعىنا وراي بۇگىن اتالمىش مۋزەيدىڭ ەكسپوزيتسيالىق كورمە سەكتورىنىڭ مەڭگەرۋشىسى لاريسا مارتىنوۆانىڭ «اباي الەمىن اشۋ» اتتى كىتابىنىڭ تۇساۋى كەسىلدى. ءۇش تىلدە جارىق كورگەن بۇل كىتاپ ونەر وشاعىنىڭ قورىنداعى ۇلى اقىن جايلى وبلىس سۋرەتشىلەرى سالعان تۋىندىلار تۋرالى سىر شەرتەدى.
«وسى جىلدىڭ تامىز ايىندا سەمەي قالاسى مەن اباي اۋدانىنىڭ ورتالىعى قاراۋىل اۋىلىندا حاكىم مەرەيتويى حالىقارالىق دەڭگەيدە اتاپ وتىلمەك. سونداي-اق 10 مەملەكەتتىڭ سۋرەتشىلەرى قاتىساتىن حالىقارالىق پلەنەر ۇيىمداستىرىلادى. ءبىز بۇل كىتاپتى سول پلەنەر قاتىسۋشىلارىنا تانىستىرۋدى جوسپارلاپ وتىرمىز. ءۇش تىلدە شىعارىلعان تۋىندى ۇلى اقىن جايلى بىلمەيتىن شەتەلدىك سۋرەتشىلەرگە وقۋ قۇرالى ىسپەتتەس»، - دەيدى ش ق و ونەر مۋزەيىنىڭ قىزمەتكەرى تولقىن تەتەپوۆا.
