مەملەكەتتىك قىزمەت ىستەرى اگەنتتىگىنىڭ ءتوراعاسى بىرىككەن اراب امىرلىكتەرى ەلشىسىمەن كەزدەستى

None
None
نۇر- سۇلتان. قازاقپارات - مەملەكەتتىك قىزمەت ىستەرى اگەنتتىگىنىڭ ءتوراعاسى انار جايلعانوۆا بىرىككەن اراب امىرلىكتەرىنىڭ قازاقستانداعى توتەنشە جانە وكىلەتتى ەلشىسى موحامماد احماد سۇلتان ەسسا الدجابەرمەن كەزدەستى، دەپ حابارلايدى قازاقپارات اگەنتتىكتىڭ باسپا ءسوز قىزمەتىنە سىلتەمە جاساپ.

م ق ءى ا ءتوراعاسى ەلشىگە مەملەكەتتىك قىزمەتتەردى سيفرلاندىرۋ ماسەلەلەرىندەگى جانە مەملەكەتتىك قىزمەت جۇيەسىندەگى وزگەرىستەر تۋرالى اقپارات بەردى.

«تۇڭعىش پرەزيدەنت - ەلباسى مەملەكەتتىك باسقارۋ سالاسىندا سيفرلاندىرۋ مەن جاڭا تەحنولوگيالاردى قولدانۋعا كوپ كوڭىل بولەدى. ەل پرەزيدەنتى سونداي-اق مەملەكەتتىك قىزمەتتەر مەن جالپى ەكونوميكانى سيفرلاندىرۋدىڭ ماڭىزدىلىعىن اتاپ ءوتتى. جىل باسىندا ەل پرەزيدەنتى بىرىككەن اراب امىرلىكتەرىنە رەسمي ساپارمەن بارىپ، دۋبايدى الەمدىك قارجى جانە تۋريستىك ورتالىقتارىدىڭ بىرىنە اينالۋعا مۇمكىندىك بەرگەن ءسىزدىڭ ەلىڭىزدە جۇرگىزىلگەن رەفورمالارعا جوعارى باعا بەردى. مەملەكەت باسشىسى ءبىزدىڭ الدىمىزعا «حالىق ۇنىنە قۇلاق اساتىن مەملەكەت» اياسىنداعى قىزمەتىمىزدى قايتا قۇرۋ جونىندە ۇلكەن مىندەت قويدى. ءبىزدىڭ بارلىق قادامدارىمىز حالىقتىڭ ءومىر ءسۇرۋ ساپاسىن جاقسارتۋعا، ونىڭ ىشىندە مەملەكەتتىك قىزمەتتەردى الۋ كەزىندە ازاماتتار ءۇشىن بارىنشا قولايلىقتى قامتاماسىز ەتۋگە باعىتتالۋى ءتيىس. ءبىز ءۇشىن جاساندى ينتەللەكت قولدانۋداعى ءسىزدىڭ ەلىڭىزدىڭ تاجىريبەسى قىزىقتى، سەبەبى سىزدەردە الەمدەگى العاشقى جاساندى ينتەللەكت ۋنيۆەرسيتەتى اشىلدى. ەكونوميكانىڭ ءتۇرلى سەكتورلارىن دامىتۋ بويىنشا، سونىڭ ىشىندە سيفرلاندىرۋ جانە جاساندى ينتەللەكتتى دامىتۋ بويىنشا تاسىلدەرىڭىزدى ەگجەي - تەگجەيلى زەرتتەۋ ءۇشىن قازاقستاندىق دەلەگاتسيانىڭ ب ا ءا- گە ساپارى جوسپارلانۋدا»، - دەپ اتاپ ءوتتى ول.

ب ا ءا ساپارى بارىسىندا «سمارت دۋباي» كەڭسەسىنىڭ، ابۋ-دابي مەملەكەتتىك اكسەلەراتورىنىڭ جۇمىس تاجىريبەسىن، جاساندى ينتەللەكت ۋنيۆەرسيتەتىنىڭ قىزمەتىن زەرتتەۋ بويىنشا ءبىرقاتار كەزدەسۋلەر جوسپارلانۋدا.

ءوز كەزەگىندە ب ا ءا- ءنىڭ قازاقستانداعى توتەنشە جانە وكىلەتتى ەلشىسى ساپار بارىسىندا ب ا ءا مينيسترلەر كابينەتىنىڭ جانە بولاشاق ىستەرى جونىندەگى ءمينيسترى مۋحاممەد ابدۋللا ال-گەرگاۆيمەن، ب ا ءا- ءنىڭ باقىت جانە اماندىق ماسەلەلەرى جونىندەگى مەملەكەتتىك ءمينيسترى جانە پرەمەر-مينيستر كەڭسەسىنىڭ باس ديرەكتورى وحۋد بينت حالفان ال رۋمي مىرزامەن كەزدەسۋلەر جوسپارلانعانىن اتاپ ءوتتى.

موحامماد احماد سۇلتان ەسسا الدجابەردىڭ ايتۋىنشا، باقىت ب ا ءا ۇلتتىق ساياساتىنىڭ ماقساتتارىنىڭ ءبىرى بولدى. الەۋمەتتىك تالداۋ جانە دەرەكتەردى زەرتتەۋ سالاسىنداعى جەتىستىكتەر باقىتتى ساندىق باعالاۋعا بەرىلۋىنە يە بولدى جانە بۇل مەملەكەتتىك بيلىك ورگاندارىنا ونىڭ ەكونوميكالىق قۇندىلىعىن ەسكەرۋگە مۇمكىندىك بەردى. باقىت دەڭگەيىن انىقتاۋ ءۇشىن مەملەكەتتىك قىزمەتتەردىڭ ساپاسىنا ماڭىزدى ءرول بەرىلەدى.

ونىڭ ايتۋىنشا، ب ا ءا قازاقستاندىق دەلەگاتسياسىنىڭ ساپارى اياسىندا مەملەكەتتىك قىزمەتتى جەتىلدىرۋ ماسەلەلەرى بويىنشا ودان ءارى ىنتىماقتاستىق تۋرالى مەموراندۋم جوباسىن تالقىلاۋ جوسپارلانعان.

سونىمەن قاتار، قازاقستاندىق مەملەكەتتىك قىزمەتكەرلەردى جاساندى ينتەللەكت ۋنيۆەرسيتەتىندە وقىتۋ مۇمكىندىگىن قاراستىرۋ ۇسىنىلدى.

كەزدەسۋ سوڭىندا اگەنتتىك ءتوراعاسى قوعامدىق ديالوگ، حالىقتىڭ قاجەتتىلىگىنىڭ اشىقتىعى مەن ءتيىمدى شەشىمى مەملەكەتتىك ورگاندار قىزمەتىندەگى باستى باسىمدىقتارعا اينالاتىنىن اتاپ ءوتتى:

«قازىر ءبىز مەملەكەتتىك قىزمەتتىڭ يننوۆاتسيالىق مودەلىنە كوشۋ ماسەلەلەرىن پىسىقتاپ جاتىرمىز، ونىڭ نەگىزگى قۇرامداستارى: تۇتىنۋشىعا باعدارلانۋ، ۇتقىرلىق، باسەكەگە قابىلەتتى كادرلار ءۇشىن تارتىمدىلىق جانە ادامي رەسۋرستاردى ءتيىمدى ءبولۋ بولىپ تابىلادى. وسى مىندەتتەردى ەسكەرە وتىرىپ، بىزگە ءسىزدىڭ ەلىڭىزدىڭ تاجىريبەسى وتە قىزىقتى»، - دەيدى ول.

تاراپتار ءبىلىم مەن تاجىريبە الماسۋ، ازاماتتاردىڭ يگىلىگى ءۇشىن مەملەكەتتىك باسقارۋدى جەتىلدىرۋ ماسەلەلەرىن تالقىلاۋ ءۇشىن الەۋەتتى ارتتىرۋ ماقساتىندا ىنتىماقتاستىقتى ودان ءارى نىعايتۋ تۋرالى كەلىستى.

سوڭعى جاڭالىقتار