+7 (701) 759 90 19
-6 °С : نۇر-سۇلتان
-1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

داۋرەن ابايەۆ الەۋمەتتىك جەلىدەگى ايسۇلتان راحاتتىڭ جازبالارىنا قاتىستى پىكىر ءبىلدىردى

14 اقپان 08:12
:ءبولىسۋ
داۋرەن ابايەۆ الەۋمەتتىك جەلىدەگى ايسۇلتان راحاتتىڭ جازبالارىنا قاتىستى پىكىر ءبىلدىردى

نۇر-سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ الەۋمەتتىك جەلىدە كوپتىڭ تالقىسىنا تۇسكەن ايسۇلتان راحاتتىڭ(ەلباسىنىڭ داريعادان تۋعان جيەنى - رەد.) جازبالارىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«بۇل ماسەلە بويىنشا اعايىنعا ايتقىم كەلەدى، قازىر جالپى ءبىزدىڭ قوعامدا عانا ەمەس، الەم بويىنشا وتىرىك پەن شىن اقپاراتتى اجىراتۋ - ۇلكەن ماسەلە بولىپ تۇر. كەيبىر توپتار جالعان اقپارات تاراتىپ، ۇلكەن كومپانيانىڭ، جەكە ادامداردىڭ، ءتىپتى ءبۇتىن ءبىر ەلدىڭ ابىرويىنا نۇقسان كەلتىرىپ جۇرگەنىن كورىپ ءجۇرمىز. ءبىراق ونىڭ ارتىندا جىمىسقى وي، پايدا كورۋ پيعىلى تۇرادى جانە مۇنداي مىسالدار سوڭعى ۋاقىتتا ءبىزدىڭ ەلدە دە كوبەيىپ كەلەدى. مۇنىڭ سوڭى ارانداپ قالۋعا اكەلۋى مۇمكىن. ايسۇلتانعا قاتىستى دا وسىنى ايتقىم كەلەدى. اعايىن، بۇل - ءبىرىنشى كەزەكتە ونىڭ اناسىنىڭ تراگەدياسى»، - دەدى داۋرەن ابايەۆ «اشىق ديالوگ» باعدارلاماسىندا.

مينيستر انا ءۇشىن بالاسىنان اسقان قىمبات ادامنىڭ جوقتىعىن ايتىپ ءوتتى.

«ايتقىم كەلەتىن تاعى ءبىر ماڭىزدى دۇنيە بار، كەيبىرەۋلەر وسى وقيعاعا ەلباسىن دا ارالاستىرعىسى كەلەدى. شۋ جاساپ، ەلدى دۇرلىكتىرۋگە تىرىسادى. ءبىراق حالىقتىڭ باعىنا تۋعان جاقسىمىزدى قاڭقۋ سوزگە قالاي قيامىز؟ ءوزىڭىز ويلاڭىزشى، ەكونوميكاسى قۇلدىراعان، ءوندىرىسى توقتاعان ەلدى 30 جىلدا قازىرگىدەي دەڭگەيگە كوتەرۋ - كىمنىڭ قولىنان كەلەدى. قازاق قاشان دا ەلى ءۇشىن ەرلەردى باعالاعان، توبەسىنە كوتەرگەن، ابىرويىن ساقتاعان. بابالارىمىز ايتقانداي «بەتەگە كەتسە بەل قالار، بەرەكەڭ كەتسە نەڭ قالار؟» اعايىن، سوندىقتان بەرەكەمىزدى باعالايىق. جەل سوزگە ەرىپ، جاقسى ءىستى جوققا شىعارمايىق»، - دەدى داۋرەن ابايەۆ.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات