كورونوۆيرۋس:«قورعاس» ورتالىعىن جابۋ مەرزىمى تاعى دا ۇزارتىلدى
«بۇعان دەيىن حابارلاعانىمىزداي، «قورعاس» حالىقارالىق شەكارا ماڭى ىنتىماقتاستىق ورتالىعى كوروناۆيرۋستىڭ الدىن الۋ ماقساتىندا 15 - اقپانعا دەيىن جابىلدى. وسى جايتقا بايلانىستى ەندى ۋاقىت مەرزىمى اقپاننىڭ سوڭىنا دەيىن ۇزارتىلدى.
ايتا كەتۋ كەرەك، الماتى وبلىسىنىڭ اكىمى اماندىق باتالوۆتىڭ تاپسىرماسىنا سايكەس بۇل ۋاقىت ارالىعىندا «قورعاس» ح ش ى و- نىڭ عيماراتىنا جوندەۋ جۇمىستارى جۇرگىزىلەدى. بارلىعىنا بەلگىلى، ول جەردە ءبىراز پروبلەمالار بار. تۇرعىندار حالىقتىڭ كوپتىگى سالدارىنان، كەپتەلىس تۋىنداپ، ءتۇرلى قيىندىقتارعا تاپ بولاتىنىن ايتقان ەدى. قازىر «قورعاس» ورتالىعىنىڭ جاڭا باسشىسىنىڭ الدىندا وتكەلدى جاڭعىرتۋ تاپسىرماسى تۇر» ، - دەدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.
ەستەرىڭىزگە سالا كەتەيىك، بۇعان دەيىن «قورعاس» ورتالىعىنىڭ 15 - اقپانعا دەيىن جۇمىسىن ۋاقىتشا توقتاتقانىن حابارلاعان بولاتىنبىز.